Lik

question:  why just 五區? is it because the pan-democrats are currently controlling just 五區 - 23 seats?
daimo 發表於 2009-11-25 16:20

因為香港立法會得 5個選區：港島、九龍東、九龍西、新界東、同新界西。只要五區總辭，補選嘅時候就可以做到要全民出來投票，亦達到變相公投嘅目的，叫香港人明明確確咁走出來話俾阿爺同特區政府聽香港人想唔想要雙普選。

It is too risky,
you can't afford to loose even one seat.
You can't under estimate the pro China strength to upset you.
sheep 發表於 2009-11-25 15:38

危唔危險呢件事，其實毓民真係講得好啱：你如果民主黨班老鬼唔係咁縮骨、咁契弟嘅話，民主黨一走出來支持，咁件事又點會唔係水到渠成呢？反為依家民主黨班老鬼玩縮骨，於是連帶大狀黨班人又可以借勢話唔搞喇... 真係...

-力

soli

真係贏就贏粒糖﹐輸就輸間廠
飯民要自殺﹐我梗係支持啦~

mcjohnjohn

呢個時刻遲早發生.

你想溫水煮蛙, 慢慢港人不再有民主熱, 或大部份被河蟹化.
但係盡地一舖, 一係生, 一係死, 唔好拖拉.  有就有, 無就無, 唔好又話有但要大家成堆白骨先至有. ...
rainbow-davie 發表於 2009-11-26 08:33

盡地一舖? 你就講得輕鬆law, 因為你根本唔o係香港生活! 你唔好同我講你惰繫香港, I love HK之類喇.
盡地一舖衰左之後, 你就拍拍屁股走, 小弟等等既香港市民就o係香港承擔盡地一舖之後既後果...

民建聯o係新界東同新界西既勢力非常強大, 小弟怕呢兩區會保唔住... 小弟支持全民公投, 而泛民因係總辭, 補選我都會選返佢地. 但真係唔係sure win 的, 萬一佢地輸左, 普選既路可能更遙不可及...

mcjohnjohn

因為香港立法會得 5個選區：港島、九龍東、九龍西、新界東、同新界西。只要五區總辭，補選嘅時候就可以做到要全民出來投票，亦達到變相公投嘅目的，叫香港人明明確確咁走出來話俾阿爺同特區政府聽香港人想唔想要雙普選。

危唔危險呢件事，其實毓民真係講得好啱：你如果民主黨班老鬼唔係咁縮骨、咁契弟嘅話，民主黨一走出來支持，咁件事又點會唔係水到渠成呢？反為依家民主黨班老鬼玩縮骨，於是連帶大狀黨班人又可以借勢話唔搞喇... 真係...
Lik 發表於 2009-11-26 09:26

力兄, 小弟覺得阿爺同特區政府一直都知香港人想要雙普選!

毓民講到好似必嬴咁樣, 小弟真係有所保留. 仲記得, 當年立法會港島區補選, 香港良心既陳方安生vs. 掃把頭, 陳太都只係贏少少... 香港區一向已經係民主派既地頭, 仲要有陳方安生, 對手仲要係"人見人憎"既掃把頭, 都唔能大勝! 而家五區總辭, 補選既時候係點(尤其係新界區)真係好難講...

-- 好憂慮既麥莊莊

rainbow-davie

盡地一舖? 你就講得輕鬆law, 因為你根本唔o係香港生活! 你唔好同我講你惰繫香港, I love HK之類喇.
盡地一舖衰左之後, 你就拍拍屁股走, 小弟等等既香港市民就o係香港承擔盡地一舖之後既後果...

民建聯o係新界 ...
mcjohnjohn 發表於 2009-11-25 19:24

睜大你隻眼, 我邊有講我係支持定反對, 我係講出個形勢.  咁都要俾阿麥伯你吊.  一D道理都唔講.

Lik

毓民話嘅係如果白鴿黨班友唔係咁縮骨而肯全力支持嘅話（最少都唔係好似依家咁放晒風、唱晒淡），咁五區總辭、變相公投呢下就贏硬咁滯。但家陣白鴿黨中嘅老而不唔夠薑去馬，而馬丁又玩半轉呔，咁家下個形勢就真係好危。而且公民黨班友唔多唔少亦係機會主意者，家陣成條下台階都有喇，佢地縮沙亦一啲都唔奇。

當年陳太嵌葉劉唔係贏少少喎？滾動民調一直係陳太領先，而最後陳太亦以 54.84% 對葉劉 42.89%。贏十幾 percent、多三萬幾（差唔多四萬）票都算贏少少？！而且今次五區總辭建制派根本無乜邊個大哥出到來。田大同田二少？嫻姐？坐過監過個白頭佬？定係果啲好似挫胸勤咁有質數嘅第二梯隊嘅契弟呀？講到尾，本來就贏硬，唔係你民主黨咁無種，老早就成咗事啦！

其實依家個勢咁危險，如果公社兩黨依然繼續去嘅話，關心香港民主晉程嘅人真係要出多一分力，吹行雞、疊齊馬、有咁多票拉咁多票來盡返自己嘅公民責任。

-力

mcjohnjohn

睜大你隻眼, 我邊有講我係支持定反對, 我係講出個形勢.  咁都要俾阿麥伯你吊.  一D道理都唔講.
rainbow-davie 發表於 2009-11-26 12:22

唔好意思, 可能我措詞太強硬, 同埋唔經大腦用左屎眼去睇野, sorry sorry~
朋友黎丫麻, 我知你唔會嬲既, 呵番呵番~

mcjohnjohn

力力,

小弟覺得贏得果十幾巴仙真係好少... 大佬, 出到民主巨頭, 超級德高望重既陳方安生, 對一個咁既掃把頭, 都只係贏咁少. 你可以想到民建聯既動員力有幾咁強...
新界東, 如果係長毛出黎補選, 而人地出嫻姐, 你都唔好話唔擔心...
新界西仲弊, 泛民出邊個? 唔通出何浚仁? 出邊個都好有可能會輸, 因為民建聯同鄉議會既勢力真係好大! 真係有好多條村有旅遊巴接d 公公婆婆去投票架! 投邊個就唔駛講啦!

Lik

贏十幾 percent 都仲算少嘅話，我真係唔知點先至算係大勝囉。唔通真係七三或八二咩？！

長毛、嫻姐、同田少邊個係現任議員？邊個係票王？邊個係高票落選？何浚仁身為黨主席都贏唔到嘅話，佢唔切腹都無面目再面對選民同自己嘅黨友啦？！

而最重要嘅係，今次變相公投要選嘅係係議題、係要求有雙普選、係單對單隻揪，而唔係同你玩配票、選邊個人、選邊個黨。泛民其實派邊個去都唔重要，因為泛民嘅 5個 candidate 就係代表要普選。你係撐普選，就要撐泛民同投票俾個候選人，就係咁簡單。

-力

sheep

理念還理念
要知道香港有幾多真係揸着宗旨做人
乜都話好  去馬   我支持你
到真係要你行出泥
就算你企响度唔郁
班牆頭草  第一時間
企後一步
咁你就被人擺上枱