容祖兒接納母親密友：關係似家人

tiffiant

容祖兒接納母親密友：關係似家人
樂壇天后容祖兒感情和事業均春風得意，昨日她跟密友何韻詩拍住上打入「叱咤樂壇我最喜愛的女歌手」最後十強，祖兒還被阿詩抽中上台拉票，不得不信緣，而被封為容「嫂」兒的祖兒，誠實地默認了媽咪跟同性密友關係，更呼籲傳媒唔好搞她的「屋企人」！
昨日祖兒、阿詩、楊千嬅、方大同、Mr.、周柏豪、麥浚龍、王菀之、G.E.M.、農夫、吳雨霏、羅力威等歌手出席「叱咤樂搞樂壇大行動」記者會，大會於席上宣布「叱咤樂壇我最喜愛的男／女／組合」最後十強（詳見附表），其中祖兒與密友阿詩雙雙入圍競逐女歌手獎項，爭個你死我活。

大會為搞氣氛，安排歌手以攪珠方式抽對手上台拉票，一向打扮中性的阿詩穿冷裙現身，竟巧合地抽中密友祖兒上台，真是不得不信緣！而阿詩不知是否怕醜，不敢說祖兒名字，叫司儀代為嗌名，司儀即鬼馬說：「容『嫂』兒！」取笑兩人關係，令全場爆笑。

tiffiant

撈過界做心理輔導
祖兒大方走上台，指住阿詩笑說：「嘩！你做乜着裙？」阿詩沒好氣答：「做乜咁嫌棄？」祖兒還叫阿詩用保鮮紙包住自己，扮回演唱會的潑水衫，兩人公然在台上打情罵俏，表現sweet爆，不過兩人之後可能覺得成為全場焦點而大感尷尬，故又突然彈開，但合照時則大方地排排企，也不時密密斟。

祖兒受訪時對雜誌指其母有同性密友關月茵，現「一家三口」同住，祖兒坦白說：「阿茵話有狗仔隊跟，好驚，唔知點做，佢係媽咪朋友，識咗好多年，我同媽咪講，見到狗仔隊唔好怯、緊張，驚媽咪衝出馬路，我要同佢哋做心理輔導，自己入行多年慣畀人跟，但搞到媽咪唔開心。」

「唔想佢哋提心吊膽」
問阿茵跟其母是否同性密友？祖兒默認說：「朋友唔係男就女，如果大家硬要將守舊標題安喺佢哋身上，我哋係唔介意，但千祈唔好搞到佢哋，自己咁辛苦工作，希望佢哋有個安樂生活，唔想佢哋提心吊膽，希望大家明白，家人對我好重要，點寫我冇所謂，寫媽咪就嬲。阿茵唔係圈中人，唔好追訪佢。（接納佢？）做朋友要互相幫助、照顧，相信呢段友情好似家人同朋友咁相處落去。」祖兒更主動澄清：「雜誌話我叫佢『阿爸』，我媽咪就係我阿爸，媽咪一人分飾兩職位。我咁誠實同大家講，希望大家尊重我哋意願，保護我哋。」

tiffiant

祖兒（左）與阿詩在台上說說笑笑，旁若無人，兩人明顯心情大好！

祖兒與阿詩不避嫌，在台上互動十足，祖兒還笑言叫阿詩用保鮮紙包住自己。


祖兒在台上為自己拉票，動作可愛。


祖兒與母親關係要好，難怪十分支持母親的決定。

一眾候選女歌手在台上雞啄唔斷。