[中餐館] 被遺忘嘅茶樓點心.... 糯米, 消失

jiujiujiu

今日同朋友傾開, 原來有好多茶樓點心都消失咗架喇~ 睇下各位覺得有D咩點心係已經消失咗架呢..
我好耐無見過呢D點心喇.... 各位老友呢?

蒸類:

1. 灌湯餃 (我意思係一籠2隻, 個皮黃黃哋色, 每隻有塊鐵片盛住, 面頭乾身, 入面有湯嗰D呢, 唔係依家"爛"貴一盅一隻嗰種"湯浸餃"呀!)
2. 鵪鶉蛋燒賣
3. 糯米包 (呢, 黃色皮, 圓碌碌架呢..)
4. 雞絲粉卷
5. 雞絲腸粉
6. 牛骨髓
7. 牛雜 (呢, 同埋架粥車一齊賣架呢...)
8. 蝦醬鮮尤
9. 薑蔥牛肉餃
10. 糯米雞 (好大隻用荷葉包住嗰D呀, 入面好多餡好多汁嗰D, 唔係珍珠雞呀~)

煎炸類:

1. 煎鮮竹卷
2. 煎腸粉 (逐條煎嗰D呀, 唔係依家個D"事頭婆煎腸粉"同"XO醬煎腸粉"呀!) <-- 不過, 好似金天鵝同紅鶴有....
3. 錦滷雲吞 (呢, 用春卷皮包住D咁多餡再炸, 跟住有一大兜甜酸汁, 個汁入面仲有叉燒同埋尤魚架呢...)

甜品類:

1. 芝麻卷 (菲林呀~)
2. 橙汁卷
3. 豆沙角
4. 炸奶黃包
5. 炸馬蹄條

sheep

豬潤燒賣

rainbow-davie

灌湯餃 .... 二十年前太古城有..

仲有係紙包豆腐.



3. 糯米包 (呢, 黃色皮, 圓碌碌架呢..) <---呢度見過有.
4. 雞絲粉卷 - 呢邊食過.
7. 牛雜  - 呢邊食過.


1. 煎鮮竹卷 <--今日先食完.
3. 錦滷雲吞 <--有. 好多地方有.

1. 芝麻卷 (菲林呀~) <-- 唐人街二樓茶樓有, 仲好正.
3. 豆沙角 <-- 呢邊食過.

豬潤燒賣 - 呢邊食過.



你去多D地方食, 一定搵到.   除左灌湯餃同紙包豆腐, 因為連香港都無.

jiujiujiu

回復 3# rainbow-davie


係呀~ 你講開紙包豆腐, 我又諗起紙包雞添呀~

咁... 你响邊度見過呢D呀? 等我去搵番我個童年吖~


糯米包 (呢, 黃色皮, 圓碌碌架呢..) <---呢度見過有. <-- 查實呢個我好多年前响新瑞華見過, 不過好快唔見左!
4. 雞絲粉卷 - 呢邊食過. <-- 你個你都見過? 邊度邊度?


1. 煎鮮竹卷 <--今日先食完. <-- 呢個我朋友頭先同我講, 响紅鶴見到! yeah~~ (好! 等我搵日去紅鶴, 咁就唔單止可以搵番我既童年, 仲可以搵番埋我以前黎讀書走堂既good times)
3. 錦滷雲吞 <--有. 好多地方有. <-- 真的嗎? 等我去我去開個D茶樓睇下有無先.....

1. 芝麻卷 (菲林呀~) <-- 唐人街二樓茶樓有, 仲好正. <-- 呢個我個朋友都話紅鶴有~
3. 豆沙角 <-- 呢邊食過. <-- 雖然我唔食呢個, 但, 邊度有? 我娘親好鐘意食架~

但... 你華落唐人街, 我真係十幾年無落過去啵..... 不過, 仲記得當年個大停車場..... 當年無得揀, 先成日落唐人街, 但依家就算唔落Richmond, 都有好多選擇, 根本就唔多再會落去....

yuusaku

also 紙包骨, I had them at 沙田 禾輋商場 when I was young.........sooooooooooo good

回復  rainbow-davie


係呀~ 你講開紙包豆腐, 我又諗起紙包雞添呀~

jiujiujiu 發表於 2012-9-22 15:28

rainbow-davie

紙包豆腐  <--- never seen it anymore in HK nor in Vancouver la.    正確D, 十年前, 呢邊見過食過, 但唔好食.   
When I was young, 記得紙包豆腐 開始係用米紙包再炸, 之後D人用紙..... 之後無人做.

仲有係車仔腸粉. 呢邊一定無... 香港五年前西灣河仲有, 而家唔知啦.

1. 煎鮮竹卷  <--  今日去左Nanaimo & Boardway 間鳳凰食.  Richmond NO.5 華都都有. 好多地方有架.

舊式野, 唐人街 多D.  

有D 我真係唔記得邊度食啦.  我少去D高檔既.. So.. probably not Kiri, 新瑞華, 鴻星, 海港之類.

愈有名, 愈推陳出新, 愈難食到壞舊野.

ayako

回復  rainbow-davie


係呀~ 你講開紙包豆腐, 我又諗起紙包雞添呀~

咁... 你响邊度見過呢D呀? 等我去搵 ...
jiujiujiu 發表於 2012-9-22 15:28

紙包雞, 我諗起麥兜~
仲有雞包紙~~ 哈哈~

FiChai

紙包雞, 我諗起麥兜~
仲有雞包紙~~ 哈哈~
ayako 發表於 2012-9-22 19:12

Yea, 紙包雞包雞包紙..... hahaha!
I also want the traditional 灌湯餃 and 鵪鶉蛋燒賣 too!
We had 牛骨髓 here many years ago, but not anymore.
And even we have so called 牛雜, but there is no my favorite 牛腸, too bad!

blueberry

唔知雜果杏仁豆腐算唔算呢？我細個如果乖既話，阿媽會叫比我食。個玻璃碗仲有支傘仔插住添。

蘿蔔糕馬蹄糕甚至煎釀三寶，依家都有得食，不過我好懷念細個去茶樓，呢Ｄ煎野係點心阿嬸推住個車仔，個車仔係有個煎板，你叫就立即煎比你，熱辣辣架～

rainbow-davie

雜果杏仁豆腐?? go T&T please...
煎釀三寶 ... u can find it in some restaurant here with the cart.