川震重建揪出兩貪官 贓款傳逾億 香港, 汶川, 主管

Lik

http://news.mingpao.com/20110521/gaa1h.htm

川震重建揪出兩貪官
贓款傳逾億 當局稱「不準確」

【明報專訊】川震剛過3周年，災區爆出重大貪污案，綿陽和汶川兩名負責重建、曾獲表揚的官員因涉貪被查。曾獲「抗震救災先進個人」榮譽、綿陽市主管規劃和重建的綿陽市副市長廖明被「雙規」（在規定時間地點交代問題），內地《東方早報》引述匿名官員稱，廖明被「雙規」與災後重建有關，不過當局就否認案件是與災區重建有關。此外，汶川縣產業恢復重建指揮部副指揮長、縣政協副主席向世茂亦被調查。

香港在綿陽市援建的包括5個教育、9個醫療及9個社福項目，據發展局報告，其中9個項目有質量問題。目前未知貪污案有沒有涉及香港的項目。

兩官同曾獲表揚


綿陽市副市長廖明2008年川震時任縣委書記時捐款賑災的情景，他被指因涉嫌貪污協助調查。

本報昨日致電綿陽市委宣傳部外宣辦查詢，對方回應指廖明的確「協助調查」，但具體案情、涉及金額等要待「與上級核實」之後才能對外公布。《東方早報》引述匿名的當地政府官員稱，廖明被「雙規」與災後重建有關；不過，綿陽市委內部通報此事時則強調，廖明出事主要是因為地震之前的問題，與災後重建沒有關係。

《東方早報》引述綿陽市委宣傳部工作人員稱，地震災區的錢都是國家劃撥及各界捐助，外界對於資金使用非常關心可以理解，如果真的是涉及災後重建資金，對於當地政府的形象是個「巨大的傷害」。該人員還稱，由於是四川省紀委直接辦案，綿陽當地對於案件的具體情並不清楚，但稱網上流傳廖明被抄家，家中搜出現金、古玩等資產過億的說法「並不準確」。

截至昨日，廖明的資料依然在綿陽市政府官方網站「市長之窗」中出現。現年52歲的廖明在地震時任三台縣縣委書記，兩個月後調任平武縣委書記時，因抗震有功而被提拔為綿陽副市長，負責規劃、村鎮建設和災後重建。

廖明的最後一次露面是在5月4日到高新區調研，而新浪微博最早在5月11日、即川震3周年前夕傳出他被「雙規」，同時被調查的還有其他官員。

另一貪官涉挪用2000萬


四川汶川產業恢復重建指揮部副指揮長、縣政協副主席向世茂涉嫌挪用公款被當局調查。

無獨有偶，本報記者得悉，在廖明出事之前，川震另一重災區汶川縣產業恢復重建指揮部副指揮長、縣政協副主席向世茂因在重建過程中涉嫌挪用重建款項，遭扣留調查。昨日，在汶川縣官方網站，政協副主席一欄中已找不到向世茂的名字。汶川縣委宣傳部副部長李傑接受本報電話查詢時，則連稱「不清楚」。

向世茂在地震時任職縣經濟商務局長，因在地震中倖存，任職汶川縣重建指揮部副指揮長，也曾在抗震救災中有貢獻而受上級表彰。當地消息人士對本報記者披露，向世茂在重建中分管建材，因涉嫌挪用重建材料款項遭調查，涉及金額超過2000萬元人民幣。

■廖明 08年救災有功升副市長

現年52歲的廖明是重慶潼南人，西南農業大學農業經濟與管理專業畢業，2002年1月取得四川省委黨校經濟學專業碩士學歷。地震時任三台縣委書記、縣人大常委會主任，08年7月調任平武縣委書記，其間平武縣委獲得「全國抗震救災先進集體」，廖明本人也獲得「抗震救災先進個人」榮譽，09年4月獲提拔為綿陽市副市長。

廖明在綿陽市政府11名副市長中排名第8，負責城鄉建設、規劃、房管、村鎮建設、環保和招商引資、災後重建等工作。

Lik

漏咗一樣唔記得覆你：如果我係中共揸fit人嘅話，高見我絕對唔敢當，但可以借鏡嘅卻係台灣。我唔知你對台灣嘅歷史有幾多認識，但我可以話俾你聽，今日嘅中國大陸，絕對比當年未解除報禁同黨禁嘅台灣更有條件去做呢兩件事。當年民國政府嘅蔣經國有呢個遠見同氣量去放手做呢兩件事，所以卅幾年之後嘅今日，台灣就有返個似樣嘅民主體制，而雖然台灣亦有甚多嘅本土問題，但同大陸相比，兩岸邊一邊嘅社會遠遠地比第二邊公義呢？

-力

Lik

南小姐，

講真，你問我嘅話，我會答你今日嘅大陸係死症，係一個等住爆煲嘅死症。只要大陸一日個管治方針唔改，繼續一黨專政嘅話，當權者一日都會懼怕自己嘅國民會點樣去反佢，亦會不斷去害怕自己會點樣倒台。為咗鞏固自己嘅權力，政府會去打壓異見（eg.民運份子），會去壓止任何可以引發成事端嘅事（eg.豆腐渣、毒奶粉、甚至呢啲事情裡面嘅受害人）。無錯，打壓係可以換來短期嘅穩定，但你政府越打壓，人民個心裡面其實就會越憤怒，直至有一日真係爆煲為止。我絕對相信阿爺其實並唔係唔知道呢個道理，但佢地嘅思維模式早已被定形，無辦法跳出佢地畢生所認識嘅「權在我手」嘅呢個框框之外。佢地唔能夠接受你我都習以為常嘅政黨輪替，因為對佢地來講，丟咗權就等於世界末日，會被人清算，亦無辦法再掌權。

對於幾隻人格低賤嘅走狗可以無恥到指鹿為馬，我實在無辦法唔出來diu臭佢地。更重要嘅係，我一定要指出同踢爆佢地為阿爺護航而所講嘅謬論。或者你覺得Peter呢啲廢柴所講嘅廢話根本不值一駁，但我會提醒你，當同一個大話被連講一百次之後，慢慢就真係會有人去逐漸咁相信佢。而且，有啲似是而非嘅鬼話，表面上聽起來亦真係好似有啲可信性，但當你信咗之後就會後患無窮。

我即時諗到嘅係三權分立呢樣野。啱啱曾特狗先至鬧完公民黨話佢用司法覆核來令到港珠澳大橋興建要延遲，係阻礙香港發展、係阻住個地球轉。無錯，今次嘅司法覆核確實係令到條橋起遲咗同貴咗，但今日如果政府可以妄顧環保／環評法例，咁他日政府距離大陸法院要聽命於黨嘅指揮來判案又有幾遠呢？性質上，兩件事其實係完全一樣。

所以大話係一定要踢爆。如果因為我踢爆謊言而變成罵戰，咁呢樣野我亦無法阻止。我從來都唔認為我有咩大能，因為我深知我其實只係普通人一個。但我亦同時知道，我有能力去指出一啲我睇得見嘅大話（主要係因為我今日依然死剩把口），令到多啲人可以對中港一啲似是而非嘅事情有多啲了解，而唔係俾啲早已經被河蟹晒、同有 agenda 嘅人來誤導。

每個人有唔同嘅 calling。花少少時間來指出中港嘅一啲荒謬之處，我自問有呢個時間同能力去做，所以我一啲都唔介意。但真係要瞓身去付出嘅話，我嘅國家--加拿大--先至係我首選。

-力

Nam

其實，係咪有必要咩都鬧大陸呢?
雖然我都唔係好認同大陸好多野，但起碼我有丁點兒安慰好始大貪官，可能捉唔晒，但都叫做開始！

我讀書唔多，但係感覺上政府高層開始意識到再唔做野，會好大鑊！可以繼續攞艾未未嚟講，唔係話佢哋啱，但一個大國腐敗咗咁多年，衰啲講句，病入骨， 但起碼仲有人肯醫！要連根拔真係從何做起，問心個句，假如尤力哥你去做當權人，你又有何高見，實際做起又該點做，過去已成歷史，大前題係咪一味鬧就得呢?

我哋中國人最大最大嘅弱點唔係貪污腐敗，歸咎於我哋唔團結，係你可以話因為官逼民反， 但真係完全係咁? 所謂齊家，治國，平天下， 自身做好再說吧，不是嗎?

身為中國人， 香港人， 見到咁，當然會痛心， 本來我都完全死心，但見最近開始有人做野，雖然唔多， 起碼係依個黑不見底嘅黑洞，見到一丁點光！

其實， 力哥，睇到香港個塗鴉少女個翻話，令我諗起你同LYK三劍俠， 係網上對罵，對現狀有幫助嗎? 與其在網上為皇，真的那麼愛國的話，請大家身體力行，喜歡的話可以學香港少女塗鴉，如果我無記錯，力哥你好似係為人師表，或者可以考慮如何用此優勢去退動些甚麼?

其實，最近都有反思我可以做啲咩? 有諗過搵日同council 傾吓有咩可以令加拿大關注艾未未多啲， 話晒加拿大係人權先鋒?

rainbow-davie

咁不如鼓勵豆腐渣, 咁咪可以打多幾隻大老虎?

Lik

呢句係 Rocky仔講嘅。Peter仔應該會話，你睇我地個黨做得幾好？又打咗隻大老虎落來喇～咁就証明偉大祖國響共產黨嘅英明領導之下做野做得幾撚掂啦～

-力

rainbow-davie

Peter 地實話唔係, 總之, 對佢地黎講, 政府咩都岩, D 人唔岩. 豆腐咪豆腐, 有瓦遮頭仲想點, right? peter?

Lik

http://news.mingpao.com/20110521/gab1.htm

建商：接工程須先行賄





【明報專訊】四川省綿陽市是地震重災區，也是重建出現豆腐渣問題的重災區。去年本報實地採訪，揭露該市未有汲取慘重教訓，大批重建民房淪為「豆腐渣建築」，有良心建築商指重建普遍存在官商勾結。

豆腐渣重建 綿陽重災

有參與災後重建的建築商曾向本報踢爆，承接政府重建工程須先付賄款， 「一個工程，幾十萬一百萬，至少要給5萬塊，我投一個工程幾百萬，要給5萬（政府），我不給，就沒了！」

早於2009年，本報援引建築圖則及本港工程師專業判斷，揭發在川震中活埋1300名學生的綿陽市擂鼓鎮北川中學，是明顯的「豆腐渣」建築，但當時仍未有任何官員被查處。

去年，本報再往綿陽市轄下陳家壩鄉調查，發現至少30幢民房出現石屎剝落、鋼筋外露、天花板穿大洞等嚴重建築問題，黏合紅磚的水泥竟可隨便用手抓下，輕易成粉碎，與綿陽市到處張貼的「質量重如山」標語形成強烈對比。不少村民表示附近村鎮也存在類似情況，嘆道﹕「好不容易逃出來，他們又把我送進豆腐渣去！地震再來我還逃得了嗎？一定要拆掉重建！」