靚女C化身八珍姐唱好LYK

近日收到好多來信﹐叫我快D開多幾個題打壓LYK股"邪氣"。先講一D自己心星先啦﹐其實我好專重言論自由﹐你見我經常口沒遮欄﹐我點會去挑剔人。但係我一個弱質懺懺嘅lady﹐點可以同一日300幾個reply對抗? 我真係覺得有D悶所以決定做D嘢。咁如果大家繼續鍾意一日到晚講咩english/chinese(我連click都無click過入去)﹐我就決定頭也不回辭職LYK唔做﹐哈哈哈~

要轉移視線﹐最有效都係八卦﹐所以我會化身一位八婆娛樂大家。我唔會再講魔術鹹豬手﹐因為已經呼之欲出﹐再講都有D out。講今日C1頭條﹐有 ---

<黃長發為忘年戀退出娛圈>

港男黃長發近日被爆與年長15歲的一名39歲女子拍拖，報道指他們是不倫戀，又指黃長發曾經向別人丈夫發示威短訊。昨日黃長發與該名女子拖手召開記者會，力證二人情比金堅，指召開記者會目的是希望女方家人及其前度男友別再中傷他們，也不想有其他人干預他們發展關係，黃長發亦為愛情宣告退出娛樂圈。文、圖：駱震寧

　　黃長發與女友昨日於傍晚時分臨時召開記者會，二人全程笑容滿面，黃長發表示以和無綫轉變合約形式，他將會另作發展，到一家公司擔任會計師，正式宣告退出娛樂圈。

　　記者會上，李女士也明言自己只是前男友的三奶，她也是誕下女兒後才知道對方底蘊，而她的家人與前男友一起中傷她，是因為其家人怕前男友會不再對他們作經濟支持。而她不諱言自己站出來就是要告訴大家，她跟長發的感情很堅持，強調她與長發經過今次事件，更明白愛情偉大，不會因負面報道而退縮，但就沒表明會否因此而結婚。

　　黃長發被問報道指他發賤格短訊給李女士前男友，他否認其事，李女士更代為出頭說已就偽造的短訊而報警，但由於沒證據，也會顧及前男友感受，因他始終是自己女兒的父親，故亦不打算對有關報道作出追究。但她相信黃長發為人絕不會這樣做，還指長發很愛錫她的女兒，從未試過打她，二人亦相處融洽。

呢單嘢其實真係好流。首先﹐黃長發係乜水我都唔係一時間記得。話佢退出娛圈﹐我真係想講無人覺得佢係一個明星。但係當然搭上一個年長15年嘅中女(keep得幾好)﹐而個中女背景又真係幾有娛樂性。但係我覺得傳媒用不倫戀都好涼薄。究景邊忽不倫? 搭上年長15年嘅中女﹐定係話個中女背景覆雜? 我真係想知有咩問題﹐你可以話段關係不尋常﹐但係用不倫字眼又無解說就實在有D夾硬嚟。

之後係想分享幾張相

我要先報定案﹐我本人覺得林嘉欣係一個靚女。我明白﹐嘉欣唔係一個(娛圈覺度)身型好瘦/標準嘅女星。我更明白﹐企埋一班model身邊絕對高底立見﹐少給比下去。但係點解﹐出道一段日子嘅嘉欣﹐大大小小場合一係素顏﹐一係著錯衫﹐一係個look好frumpy。其實要大份過佢大有人在﹐但係明星嚟講﹐真係欠D風彩。上兩張相﹐擺明係出席客戶活動﹐個樣可唔可以charp醒D呢? 其實俾面佢係電影女主角﹐企正中間﹐但係好似老闆娘唔好意思被拉入鏡咁。

有D女星特別受客戶歡迎﹐賺到街外錢﹐係有跡好尋。