大C姐對奧運的睇法 交通部, 世界末日, 墨西哥

大C姐

仲有6個月就到冬季奧運﹐由本來談論應唔應該舉辦到好多唔同建設追唔追得上進度﹐到而家好多人都揾緊地方哩(聽講去墨西哥D機票都炒貴晒)﹐已經可以話係去到一個水深火熱階段。

其實我都好支持搞奧運﹐雖然我從來無睇過﹐亦唔知究竟有咩刊目﹐但係都覺得係一件盛事啦。本來我都作出準備迎接奧運﹐但係到今時今日我覺得有幾個謎想同大家分享。

謎一﹕奧運期間 = 世界末日?

我之前都講過啦﹐政府交通部之前出memo叫溫市市民唔好渣車唔好搭skytrain﹐果兩個禮拜最好行路或者踩單車返工。上班一族係彌漫住一份白色恐佈﹐個個都人心惶惶﹐好驚返唔到工。當然傳媒亦有意無意去誇大某D數目﹐令一般讀者錯覺奧運期間係會有幾千萬人上街橫行等等。

首先﹐二月對好多人嚟講都要返工返學﹐真係去旅行果班都唔會拖男帶女有老有嫩﹐頂多係果D住青年旅館十幾二十歲學生居多。同埋唔好話我話﹐老老實實有幾多個國家參加呢個奧運? 出名運動細胞叻嘅非洲人係唔滑雪既﹐亞洲頂多有日本同韓國叫做有滑雪嘅習慣。基本上都係北美﹐澳洲同歐洲人叫做係對冬季運動熱血D。美國仲係一團糟﹐澳洲人就不嬲都好鍾意嚟Vancouver打工﹐我唔知澳洲仲淨幾多人。歐洲國家之中﹐我哋熟識嘅英國係無雪山。我亦問過我D英國朋友﹐係從來無人留意冬季奧運﹐頂多係娜威﹐瑞士﹐瑞典﹐冰島﹐法國北部呢類國家較有認識。

但係大家有無留意﹐呢D國家全部都係以地大人少見稱。我敢講所有人加埋都夠你平日去中環lunch time揾位食飯咁迫﹐亦都唔夠周末去旺角行人專用區咁多人。我覺得講到會成個市癱瘓未免有點兒浮誇。

謎二﹕樓價奧運後標升?

好多經紀都會說你買樓﹐因為佢哋好鍾意話奧運會吸引好多遊客(因為全球人類都有睇開冬季奧運)﹐之後就好__多人會擁住嚟移民。Excuse me﹐乜而家移民加拿大好易咩? 我當年搞都搞幾年啦﹐我當你超鍾意Vancouver﹐你要申請都唔係一朝兩日嘅事。但係唔知點解﹐D風吹到會有新一輪移民潮。

我唔否認某D地段因為交通好左所以會好賣D﹐但係大圍係唔會因為奧運﹐之後幾個月就大批人會掙住買你D樓囉。有D人實會話﹐唔係啵C姐﹐你唔好忘記仲有人由其他省可能會搬嚟Vancouver﹐唔洗搞移民。但係我好想講﹐其他加拿大人未至於未見過Vancouver呀嘛? 又洗唔洗等奧運後先嚟搬呀? 同埋對好多人嚟講﹐其實Vancouver都係偏貴﹐你多倫多廾幾萬可以downtown買到個apartment﹐但係你呢度要30幾40幾萬起。

無疑呢個係一個宣傳機會﹐但係要諗到好多人掙住嚟﹐嚟完又唔捨得走要買樓﹐我諗係好多人一相情願嘅諗法。大家唔好俾報紙同地產佬徒毒啦。


-- 唔洗打瘦面針都瘦左個圈嘅大C姐

sheep

講開奧運﹐你哋有無聽過身邊好多人話租出自己個單位賺一筆?

我聽到都不咁搖頭。當然﹐有好多機構專幫人出租﹐但係扣埋佣﹐都唔知賺到幾多。

亦好多人話知己去轉墨西哥﹐然後將自己個單位出租收多人一千然後袋袋平 ...
大C姐 發表於 2009-8-29 13:05

唔好撥人家冷水

大C姐

講開奧運﹐你哋有無聽過身邊好多人話租出自己個單位賺一筆?

我聽到都不咁搖頭。當然﹐有好多機構專幫人出租﹐但係扣埋佣﹐都唔知賺到幾多。

亦好多人話知己去轉墨西哥﹐然後將自己個單位出租收多人一千然後袋袋平安。聽落好著數﹐但係自己post ad短期出租俾遊客﹐真係訓得著先偷笑。

莫講話你去旅行自己要洗一筆﹐人哋拍拍囉柚走係唔洗負責任﹐所有damage你都無得claim。若然你本身都係租客﹐就更加牙煙。

為一千幾百去冒呢個險真係多__餘。


-- 又瘦左嘅大B姐

大C姐

講到metro town好似Hasting咁
echicken 發表於 2009-8-26 06:45

E Hastings係多毒男毒女﹐但係其實好少搶劫﹐老笠途人事件架。所以老老實實metrotown某程度上真係治安仲差。

-- 大乳C

echicken

講到metro town好似Hasting咁

大C姐

好彩黑幫火拼都只係響夜晚﹐一般大眾都只係明早聽新聞至知﹐諗起香港一段時間﹐響人來人往的旺角﹐仲要係熱鬧的時段火拼﹐那些真的好驚嚇。。。我猜溫警是故意讓他們兩幫鬥生鬥死﹐然後才去收拾殘局﹐現在看來我猜對 ...
Littleprince 發表於 2009-8-22 11:07

當年黑幫仇殺都唔得人驚﹐最驚係打劫金鋪﹗

好多黑點有幾間金鋪喺同一個路口真係唔敢去架果時。

大C姐

生活於呢個國家﹐惟有自求多福兼自己處處防範喇。。。鬼叫我地的警察靠唔住咩。。。講真日日放工經過 METROTOWN 站我都好驚﹐因為以前有好多道友同埋那些問你拿飛尾的人﹐最近多了一些不知是保安或是警察的﹐比較心 ...
Littleprince 發表於 2009-8-22 01:43

Metrotown 真係如非必要都唔會去。渣車泊車怕等位外最怕偷車或刮花﹐搭車又驚bus stop/ skytrain station多扒手同癮君子。最得人驚係果頭真係龍蛇混雜﹐咩人都有。成鬼日最驚 hi-jacker突然笠你上車。

你要我晌metrotown住﹐免費都唔制﹗


-- 美若天仙大C姐

Littleprince

好彩黑幫火拼都只係響夜晚﹐一般大眾都只係明早聽新聞至知﹐諗起香港一段時間﹐響人來人往的旺角﹐仲要係熱鬧的時段火拼﹐那些真的好驚嚇。。。我猜溫警是故意讓他們兩幫鬥生鬥死﹐然後才去收拾殘局﹐現在看來我猜對了﹐大粒的死得7788啦﹐係嘛﹖

Ovaltine

Crime is all over Vancouver, Jim Chu said our city is 3rd in crime rate for the country. But those are just the number's game, those official pricks are playing with stats. This is a drug city. A lot of GDP comes from marijuana, and in exchange of that, criminals trade for cocaine and guns from the states or Mexico. Drug growing leads to drug epidemic leads to more petty crimes. Let them police play superman, in their own minds. In public's mind they are official racist pricks that prays on innocent paper men.

Littleprince

哗
天車站果然係罪案溫牀
sheep 發表於 2009-8-22 00:06

生活於呢個國家﹐惟有自求多福兼自己處處防範喇。。。鬼叫我地的警察靠唔住咩。。。講真日日放工經過 METROTOWN 站我都好驚﹐因為以前有好多道友同埋那些問你拿飛尾的人﹐最近多了一些不知是保安或是警察的﹐比較心安。。。可是﹐冬天黑得早﹐又要開始驚 最憎溫哥華的冬天了