【不喜勿進】我的老友記 生活

MoiRhapsody

回想當年入老友記，真係咸豊年前既事.......
2002年，因溫哥華生活苦悶，所以就經友人介紹，入左老友記磨下時間，想識下女仔。
寫過下幾個爛尾既鬼故，十幾編懶感性無病呻吟既隨筆，女就識唔到，只落得個卻道天涼好過秋。
當中年頭，見證過lies同Drama Jockey係話劇版你串我我串你既日子,又有藍月一現搞到大大獲差啲LYK要俾人告。昨日種種東逝水，我諗當事人現在回想就會啲得啖笑既感覺。
機緣巧合，我梅佬有幸俾人提拔做「古靈精怪」版既版主，哈哈～虛榮感無以上之！其實又有乜野好威，威極咪又係一堆data。嘩～當年既駡戰精彩好多，Lancer哥同個為人師表鬧人都鬧得有技巧有point, ban同唔ban之間游走得當～個時，的確係老友記最難管既一個時期，亦都係最好玩。我最記得係有一晚，一位我稱之為lyk金聖歎既Liangzi,即係今時今日既牛郎，係一個post度掉底個留言侮辱我地既台灣同胞，搞到又駡戰，由於我唔係該版既版主，冇權lock post,咁咪唯有下死線，有邊個再回post就suspend,係就係停左人嘈，不過我個朵咁就臭左，不過又有乜關係。不過講番，呢位Liangzi，出完post鬧人搞出大頭佛之後就拍拍欏柚走左去，隔個星期就扮冇野死番上黎，都算佢好野。
自此，管理層對member過份行為反應越黎越慢，「ban一個黎三個」，「越管越煩」既思維令到睇唔過眼既member一一離開.......直到server要搬黎discuz,所有野要從新黎過，咁呢LYK就死左3/4人....所有管理權收歸中央......fine,行到黎呢一步，我並唔覺得lyk有變好過。

對於我黎講，LYK由最初黎溝女識人到中段真係上黎交流一啲資訊到現在，我上黎係睇下有冇交嗌，真係蒼海桑田....我個人覺得，係，雖然LYK user少易管，並唔係等於唔洗管。人地高登咁多人先至型成到一種獨特既法則，可以唔多管，會員自然會自己打巢搞事者。可惜LYK只係一個小村莊，一兩個時間特多既無聊人就可以做山寨王，佢一個就可以嘈你十個。如果唔早早處理，警告下，控制一下，最後你ban既係一個人，但因呢個被ban既人走左去既人係你冇法估計。唔好再同我地講搞LYK出黎呢個大恩大德黎give you a break，你有賣廣告位，我地都係有份令呢個forum生存落去。我其實又唔mind係時事區嘈下交，所謂是非越辯越明，議會正是代理人民族群既合法戰場，但係有啲畜牲將啲野帶到去其他版我就睇唔過眼，猶其是啲personal attack, 人地有狗狗男友什至乎BB都可以講黎抽，真係離撚晒譜。

最後，LYK始終係溫哥華唯一香港人既forum, 有佢既存在價值，同時一樣面對所謂「邊緣化」既危機。我諗，就算移民潮退左，溫哥華唔係冇香港人，會上網玩forum既又唔會只呢10零個。佢地去左邊？？？去晒香港既forum玩囉。到底我地移民黎呢度又要過香港咁既生活，老友記就係夾係呢兩個極端之下既產物。LYK如何定位，值得深思，亦不到我思。

廢噏完，我去睇小倉奈奈AV了。

Nam

Moi佬 真係講中好多members心聲， 我都有同Lancer keep in touch,都好少講LYK，最多問我LYK接埋咗未，佢本人就好似你咁講去咗啲香港forum 玩！

同過啲LYK 元佬傾過吓，話以前初初整LYK時唔係咁，不過點都好，唔係個個LYK都係咁宅！

但某啲宅男就真係趕客而唔自知，起碼趕走晒啲僅餘無幾嘅女members，大家都話唔上嚟，因為個個post就係見到幾條宅男係到單單打打，再唔係每一個post都有本事拉到落so called政治同正義上！

無啦，我哋掃毒組自己講扮靚又被人話唔想個個post 都係講扮靚，所以我哋自己四散，自己私底吓繼續shop！

我當初上LYK，事業啱啱起步，仲係admin 仔時，就日日上嚟搞慶過場，但後來真係忙到覺都無得訓，就齋上嚟睇新聞，然後filter 打後個啲單單打打嘅回覆！

不過，無LYK，我都唔會識到咁多咁nice 嘅朋友仔，可以得閒出嚟飲吓酒，食吓野，扮吓靚咁，都係件好事！

但真係唔知係咪風水問題，好多LYK 都係到好似好有authority ，人哋講句唔同意見就係人哋無料，再唔係言語碰撞吓，就叫admin ban 人，據聞話其中一宅男真人唔係咁喎，我係咁意

MoiRhapsody

我都係宅男，只有宅男先會上forum寫野望有女注意～～～
nam姐，同我向lancer巴打打聲招呼。

Catpiano

Since 2002 ?? that long ago?

I was (and I remember Moi) one of the early member here .. (first 20? )

But I am not really 宅男 wor ... with wife and kid ..  

I like LYK ..  since as a honger, but living in Canada .. those "HK" forums .. not that fit, and of course, those "GREAT CHINA" forums .. totally out of my reach .. but then, I am not really that "CANADIAN", other then I can talk Hockey all day long ...  

fibbi

我從來都係small potato。
上老友記都只不過係想知啲本地資訊，間唔中風花說月一番，話哂都同聲同氣。
我唔識用倉頡打中文，次次都花唔少時間，最記得有次用咗成個鐘去打啲香港澳門food review，有埋圖添。有無人睇唔緊要，但係講吓high tea又被人話，就連唔講粗口都被人話喎，為咩先，咪少啲，甚至唔post囉。不過話哂都睇咗咁多年，所以都會keep住睇吓嘅。但係睇來睇去都充斥住啲五毛大戰post，單單打打，唔萌都睇到萌啦。其實我有時都戥admin慘，正一管又死，唔管又死，但係點都好，喺溫哥華仲有邊啲香港人為主嘅forum？唔通真係要睇簡體post，或者幫襯台灣幫？如果大家都認為老友記有生存價值，真係希望大家都唔好咁激囉，現實生活已經夠煩，唔洗吓吓都上網都煩埋一份掛。

Lik

個人認為，當年LYK嘅一代盛勢，係天時、地利、人和幾樣野一齊夾埋嘅契機。曇花一現，實在係再復難求。

港人嘅移民美加潮最勁嘅時期係90年代初，而當時我地嘅年齡大該係小學中期（3至5年班）至高中初期（10至11班）。計返條數，02至06年左右正係我地由讀緊大學至初出來社會做事，生活都仲算係得閒嘅日子。時間多，上網吹水，有啲入世但又未入世好深，風花說月嘅事情自然會講多啲、做多啲。而當時天朝亦正漸入佳境，五毛風氣尚未完全成形，咁樣就正正造就咗LYK所謂嘅盛勢之年，多人講野，但爭執、對罵並未成主流。

隨住網友年齒漸長，開始脫離mid 20's呢個交友旺盛期，大家各有各生活，時間仲邊度有咁多？而中港環境日漸變差，五毛越來越多，社會風氣變得激化、兩極化。Forum其實係社會嘅縮影，社會風氣吹至網上，我只會話係水漲船高嘅必然後果。

-力

rockypath

可惜有些元老ｍｅｍｂｅｒｓ想把持ＬＹＫ推行一言堂政策。 我原來從未在論壇上講粗口，但當某Ｄ成員不能接受和承認我所說的事實時，就開始對我以粗言穢語相待。 我曾不止一次 send message 比 admin 希望他可以禁止這種言語，但完全沒有反應。而某Ｄ成員的攻擊手法不斷升級並用侮辱性 calling，那我唯有反擊了。

在此發言的元老們（我也不算新）有些也有份將人趕離這個ｆｏｒｕｍ吧？ 一個不能容忍不同意見和信息的ｆｏｒｕｍ，生命力會有多強？

Admin

Thank you for all of your comments. Yes, we are getting back the moderator system to help manage the forum now and we are working on it. Please give us some time.

Anyone want to join the moderator team and want to get LYK back on track can email me. [email protected].

小叻

如果大家都認為老友記有生存價值，真係希望大家都唔好咁激囉，現實生活已經夠煩，唔洗吓吓都上網都煩埋一份掛。fibbi 發表於 13-10-2011 10:33

Agree... 以前LYK有好多野睇... 依架只有政治上的衝突和辯駁...冇話有冇言論自由...但唔好咩post都拉到去D政治觀點上~

fibbi

回復 7# rockypath


    咁有時唔洗一定要出到粗口先至唔受歡迎，咄咄逼人嘅態度都一樣令人抗拒。