12年人事幾翻身的故事 - 你會留在香港嗎? 人事

大C姐

上個禮拜開個題大家都七嘴八舌﹐好多嘢發表﹐好多interpretation。其實無諗住咁快又開題﹐而且個題仲要咁heavy﹐但係個timing又咁岩遇著剛剛﹐而且其實係因為一隻CD令我忽發其想去諗過去12年發生過D咩事。

話說過去一個周末趁有時間就去執屋﹐順便整理一D唔用嘅嘢準備搬屋。然後揾翻一隻我其中一張最鍾意嘅大碟 - <唱遊>王菲。當然裡面D歌係無out過啦﹐近年依然有人翻唱紅豆。從新一次有頭聽到尾﹐令我回想當年﹐1998年可以話係瀝瀝在目。畢竟﹐97同當代香港人有住千絲萬縷嘅關係。首當其中當然係我哋呢班移左/移過民嘅蛋散。如果無97﹐我諗我哋好多人唔會移民﹐將我哋命運改寫。仲有兩個禮拜又係回歸7月1日大日子﹐又令我諗起回歸後種種經歷。97年﹐唔知係咪托英國佬雄福﹐香港樓市暢旺﹐股市屢創新高。但係之後果12年﹐外憂內患﹐民不遼生﹐大是大非一言難盡...

- 98年亞洲金融風暴﹐國際大鱷狙擊港匯。同年八萬五建屋計劃令樓市一度滑落﹐"負資產"從此成為潮語。另外禽流感將130萬隻雞全數銷毀。
- 99年港股﹐樓價"低處未算低"﹐好多港人一鋪清袋。
- 01年科網股爆破﹐股民再次損失慘重 。911事件令全世界股市雪上加霜。
- 02年細價股股災
- 03年香港最黑暗嘅一年。"淘大花園"﹐"8A病房"﹐"謝婉雯醫生"﹐沙士疫症爆發有血有淚。非典型影響下全面通縮。另外﹐掃把頭高調硬sell基本法23條令人詐舌﹐同年首創7/1大遊行50萬市民上街支持。繼羅文﹐張國榮之後﹐一代舞台天后梅艷芳因子宮頸癌病逝。臨走除左發起1:99音樂會為沙士受害者籌款﹐而且帶病完成演唱會﹐嫁俾舞台。
- 05年香港舉行WTO世貿會議﹐招惹南韓激烈示威者。同年迪士尼啟用﹐吸引度未如理想。因為香港人有份投資﹐政府變相倒自己人米。建華八年因病下台。
- 06﹐07年內地企業紛紛在港上市﹐掀起認購潮。港股市值再創新高﹐人人皆股。曾蔭權成功連任﹐"我會做好呢份工"言論成一時佳話。
- 08年北奧﹐香港無啦啦有份舉辦馬術比賽﹐但係普遍港人對障礙賽同盛裝舞步一知半解﹐香港一眾奧運主持質素亦令人議論紛紛。三聚毒奶事件爆發﹐BB患腎石。年尾雷蔓兄弟破產﹐迷債苦住追究無門。
- 09年唔多講啦﹐全球金融海嘯﹐身家一夜蒸發。
- 10年80後掀反高鐵。




當然以上只係個人當刻諗到嘅highlight啦﹐已經打到手軟。只係回望過去10年好似發左一場夢﹐好多身邊嘅人經歷過高高低低又洗牌再嚟過。到今時今日﹐依然有好多人將兩地作比較。但係相比之下﹐Vancouver真係算好安逸囉。所以我斗膽問一句﹐若然97年你有預知之後12年香港將會遭遇嘅起跌﹐你會想留嚮香港定係都係隔岸觀火?

(雖然係超理性假設性問題﹐但係唔好咁爛﹐淨係打句"如果有未知﹐我就發左達啦﹗")


-- 力求完美大C姐

ricrick

97前，人人預言解放軍殺入香港，香港會進入黑暗時代，死得人多，移民都不是為了躲避這一場劫數嗎？人們的預言都中了，劫數也避了，可喜可賀！估不到是，這場浩劫真的死那麼多人，我看還未完呢....

playingtoy

移民係我父母親既choice唔係我既choice

細路一名

無本事

AAC

係我自己的決定。
回望也分不清對底是得多還是失多。香港有事業，家人親友 vs 溫哥華有舒適環境，工作生活環境壓力較輕...
當年要land時腦交戰，比若現時的我，一樣係腦交戰。
當年在香港的"留" 或 "溜"，換成的溫哥華的"留" 或 "溜"，一樣無絕對答案。
好多野，望回頭都係意義不大，當年有份高薪厚職，亦不保證幾次經濟衝擊下會唔會變成領綜援。

sheep

我都係向前看
NEVER LOOK BACK

yuusaku

same here.  but i'm thankful for the choice they've made.

now i can choose between hk or vancouver, not many ppl in hk get to choose which country they would like to live in.

移民係我父母親既choice唔係我既choice

細路一名

無本事
playingtoy 發表於 2010-6-15 02:02

fibbi

呢個世界，有早知，無乞兒啦。
其實，移民跟本唔係我自己嘅決定，嗰時細路仔知嘛，有得揀咩？
不過，我都慶幸自己有咁嘅機會，至少讀完書後都可以選擇喺香港定係呢邊工作。喺香港？我都唔知我會考會考成點。
考得好嘅話咪升大學，跟住搵份工，然後又不停咁進修，學大C姐話齋。
考得唔好嘅可能出國讀書掛。跟住點？點估得咁多。
做人都係向前看好啲。

OK， 答返呢個咁假設性嘅問題。我諗我會選擇移民。經濟起跌我唔係咁mind，人喺邊度都可以有三衰六旺。但係沙士就真係唔知避唔避到。

echicken

我無大家咁好彩，要移民就要靠自己
但好多朋友覺得我好彩，因為佢地無得出國讀書

大C姐

我自己本身係西人﹐所以其實唔係太大影響。我諗有無97都唔會一世住香港。

但係對好多人嚟講﹐真係好大打擊。好簡單﹐我好多好親好親嘅親織都因為我搬走左之後就好少聯絡。起初都會打電話﹐但係打打吓又嫌時差麻煩。之後有email又有同某D親戚email吓﹐但係講講吓都無話題﹐又係無左影。到你返去過年﹐又未必一定撞得岩schedule﹐D親織又有D出左埠﹐就算見到面﹐一大棚人都唔知講咩﹐都係寒喧幾句......

唔好講漏好多太空人故事都係離婚收場﹐好多仔女無皇管睹錢爭人成身債或者渣車車到人等等等等問題.... 開多幾個topic都仲得。

Ovaltine

There is a reference to 97 in this movie. 去年煙花特別多

http://www.youtube.com/watch?v=e ... ;videos=o-KDCJMBWJs

I remember how the triad boss said "After tonight, we are all new babies" The thing I don't like about Hong Kong is, thing changes way too fast. Hong Kong people are really sad, they have to adapt so fast to keep up with life.  I am in Hong Kong right now, after 2 months, I just can't wait to get back in Van city. The heat, the people, the life. The only thing that keeps me here is family. After this trip, I have decided to never settle in HK again, what people here are willing to sacrifice for money just sickens me. I can make a good living In Canada, why bother in HK?