|
|
金融海嘯下﹐唔多唔少都hit到我身邊所有人。自己雖然無咩損手但係賬面都要蝕。為左滅甩"公主病"呢個惡號﹐我開個topic了解﹐關懷現今打工仔嘅故事。
老實講﹐我真係唔算其中一個苦主﹐我亦唔會好虛偽喺大家面前扮窮(因為海嘯前後都無發過達)。但係我真係好同情一班水深火熱嘅打工仔﹐因為我其中一D親友都身受其害。有D就被逼放無薪假﹐有D又等緊被人裁﹐另外一D畢業無耐嘅表弟妹有揾唔到工俾人壓價啦。所以我做左少少research同大家分享下交流意見。
第一個個案有D長﹐喺某網上討論區quote出嚟﹐表題<終於向現實低頭....囉了老綜....一個奮青變電車男的自白... >
金融海嘯下....比人裁左...
失業至今, 差唔多1年有多..
日復日咁搵工見工等消息,
搭車食飯都駛到我窮,
儲蓄由5-6萬, 駛淨得返2-3千蚊...
見親工就壓我價,
壓到我5-6K,
Ok...我都照接受...
但之後又話等消息...音信全無...
覺得呢個世界好灰,
曾經真係一度想一死以謝天華,
但唔捨得我D親朋好友.....
無辦法之下同屋企人商討囉老綜,
佢地都無反對, 叫我搵到工之後就取消老綜,
之解燃眉之急......
去到社署, 見我中年30幾歲,
西口西面問長問短, 以為我呃飯食,
對住D口音"咩"D既人仕 (我諗大家明我講緊邊D架啦)
就真係特快批核......
最近老綜成功申請左啦,
宜家我真係連搵工既意慾都減少左,
回想起我由一個返工兼進修既奮青,
變成今時今日失業囉老綜既電車男,
我都唔知可以再講d咩喇
點都好啦, 至少宜家有飯開, 見步行步啦.
馬死落地行, 條命仲係到, 先有機會翻身...
宜家我連朋友親戚都唔敢見,
變左一個不節不扣既電車男,
記得以前初初出黎做野,
諗住比心機做野兼且努力進修,
將來一定可以做到社會棟樑,
為社會作出貢獻及出一分力,
可惜宜家事與願違,
最後都比人裁左,
"人在做,不在看...努力改變命運..."
呢D對白, 對於我黎講...真係只會係戲裡面發生,
現實中好多野都係整定,
就算點努力都好, 都係唔會改變得到
可能現在世界去得太快...
就算幾努力都好....都追不上人..
就好似給社會遺棄左咁....
這個社會什麼都標籤了..
我發覺自己怎追都冇可能追到世界的步伐...
學歷...年紀...兩文三語,
切切底底地比下去....
我對呢個社會既已經無晒信心...
亦對自己無晒自信心
如果無家庭負擔...可能早已在Ａ１度見到我
-- 草根C姑 |
|
發表於 2009-4-13 20:33
| 
