年紀輕輕的(口靚)模殺入娛樂圈掀起不少風波，除了被指爭出位多是非外，更遭圈中人狂轟風氣不健康，網上也出現反(口靚)模聯盟，想不到最近更爆發退學潮！有傳正就讀中四的胡心諾（Rainbow）和「翻版阿Sa」Monique遭踢出校，二人作出否認，只承認齊齊退學，為做(口靚)模竟然連學業也放棄，認真世風日下！
近期有不少出位(口靚)模仍是學生，邊接Job邊返學，甚至向學校請假做騷，想不到(口靚)模潮才盛行兩個月，已有人學業不保！日前有讀者報料指年僅17歲的人氣嫩模Rainbow和「翻版阿Sa」周凱盈（Monique）屬玫瑰崗中學中四同班同學，但最近已被踢出校。
Monique（左起）、Lavina、劉欣宜及Rainbow不介意穿上性感服飾，被人評頭品足。
Rainbow上個月仍穿上校服行街，想不到最近已經停學。
SoSo姐金句：放棄學業唔應該，愚昧無知真悲哀！
對此，Rainbow承認已退學，但並非被踢出校，問到為何突然退學？其原因竟是與好友「共同進退」，令人慨嘆！她說：「我啱啱完成咗中四呢個學期先退學，係Monique退學先，咁一班得十五、六人，班上面走咗個朋友，我咪同佢一齊唔讀囉！（父母對你退學有乜意見？）我同屋企人已經商量好。不過之後會同 Monique搵夜校讀，因為出年會改制，我一定會喺出年考埋個會考。」
另一位當事人Monique，直認早於五月已退學，但堅決否認是被踢出校，她說：「因為工作同讀書嘅時間配合唔到，喺五月已經退學，我之前有同屋企人傾過，我會報讀番夜校，出年點都考埋個會考！」兩人更表示已連日搜集夜校資料準備報讀。本報亦就二人退學事件傳真到玫瑰崗中學查詢，但校方在截稿前仍未有回覆。
Lavina：讀書好緊要
至於與兩人同公司的嫩模鍾蕙芝（Lavina），出道時報稱是理工大學廣告設計副學士學生，她昨日表示剛完成課程，問到對於Rainbow及Monique 退學一事，Lavina表示不知道，她說：「我覺得讀書好緊要，因為知識係冇人可以搶走，就算做Model都要有基本學歷，佢哋兩個雖然係退咗學，不過都有心搵夜校讀埋中五吖！」另外，問到她是否因家庭問題而入行？她說：「我家境的確唔係幾好，所以先出嚟做嘢，我畀一年時間自己，如果發展得唔好，我都會諗吓再讀落去定做番廣告嘅工作，不過我唔想工作影響到我屋企。」
專案組
仍是中四生的「翻版阿Sa」Monique（左）及Rainbow，竟因為入行而棄學，問題令人關注。 |
發表於 2009-7-15 11:07
| 
