大C姐

There is a reference to 97 in this movie. 去年煙花特別多



I remember how the triad boss said "Aft ...
Ovaltine 發表於 2010-6-17 02:11

    我個人認為﹐好多人想留喺香港主要原因都係有家人同朋友啦。呢一樣都無可厚非﹐尤其中國人同屋企個關係都比較緊密﹐老一輩都會鍾意人多熱鬧仔仔一堂。

但係有一個point我想講好耐﹐可能會得罪人﹐但係其實我某程度上好鄙視果D郁吓就叫悶嘅人。首先﹐點解加拿大會俾人感覺悶呢? 十幾二十年前老華橋過到嚟做唔返老本行﹐唔識英文﹐生活圈子細﹐淨係做"息魔"。當然果個時代﹐資訊又無咁發達﹐好多時都唔能夠即時同遠方親友問好。一有機會舉家回鄉探親就同人講"坐移民監好慘﹐加拿大好__悶呀﹗" 但係時至今日﹐有部電腦上網俾你youtube一日都唔會悶啦。根本好多人係根心蒂固﹐聽到人講悶又話悶﹐無去過加拿大都話悶。

OK﹐呢個都唔係重點﹐現今呢一代﹐其實唔理喺邊﹐個口頭禪都係"好悶呀~" 我可以話﹐99.9%果D"悶"人個心好空洞﹐個人無內涵無好奇心唔夠進取又無想像力﹐呢D人想人生幾有趣? 正正常常有個家庭要照顧﹐有事業要拼搏﹐有好多興趣嘅人會唔會開口埋口話悶?


-- 從來唔講悶嘅大C姐

auyatyat

回復 11# 大C姐


    日頭要返工,夜晚要讀書,星期六日要做side job,邊度會有個悶字.

sheep

我可以話﹐99.9%果D"悶"人個心好空洞﹐個人無內涵無好奇心唔夠進取又無想像力﹐呢D人想人生幾有趣? 正正常常有個家庭要照顧﹐有事業要拼搏﹐有好多興趣嘅人會唔會開口埋口話悶
大C姐 發表於 2010-6-18 19:10

    一星期做五日工
放工煮飯 湊仔 洗碗 沖涼 瞓覺
星期六 執屋 剪草 煮飯 湊仔 洗碗 沖涼 瞓覺
星期日 去教堂 團契 煮飯 湊仔 洗碗 沖涼 瞓覺
悶唔悶 我講都悶呀 唔好話來真

大C姐

一星期做五日工
放工煮飯 湊仔 洗碗 沖涼 瞓覺
星期六 執屋 剪草 煮飯 湊仔 洗碗 沖涼 瞓覺
星期日  ...
sheep 發表於 2010-6-21 19:00

我唔覺得同地理有好大關係囉。

以上除左剪草之外﹐其他所有日常事你去到邊度住都一樣架啦。喺香港唔洗沖涼瞓覺?

mcjohnjohn

一星期做五日工
放工 湊女 沖涼 湊女 瞓覺
星期六 湊女 打掃 湊女 沖涼 湊女 瞓覺
星期日 湊女 湊女 湊女 湊女 湊女 沖涼 湊女 瞓覺

我都唔覺得悶.

大C姐

回復  大C姐


    日頭要返工,夜晚要讀書,星期六日要做side job,邊度會有個悶字. ...
auyatyat 發表於 2010-6-21 18:17

我都差唔多.... 忙到甩碌﹐我真係不知幾想無事忙他他條條。一個禮拜開幾晚會﹐我有時間一個人都大把嘢好做﹐做吓mask聽吓歌唔好?
   

Ovaltine

I just got back to Van city, spent the last two days eating drinking shower and reflecting on my trip in HK, plan on my next few months. Chilaxing at home, in HK, I wouldn't be able to do this, the home is too small, the air is too polluted, the sounds of traffic on the noisy streets. People in HK think life here is boring, poor them, they never get a chance to stop and think.  Life is good here, no need to fight like a soldier in HK, but HK always have it's good sides. Massages, get to live like king with those Thai/Philippine maid/slaves, lower expenses. I also enjoy people looking up to me since I am from a "foreign country" Nevertheless, I'll take Canada over HK anyday. Hundred of years from now, when people look back at us, a bunch of pioneeers from HK and other overcrowded cities in Asia settled in Vancouver, they are probably gonna marvel at what we created. A new civilization of made of different cultures, I don't want to say we are more elite than rest of the world, but we are definitely richer in wealth.

DragonFire

我諗自己呢十幾年經歷正正中哂所有highlight~

九八年時，我同一班好朋友番香港發展，咁o岩遇著金融風暴，好彩o既係身邊有人幫到忙，唔太需要面對失業呢個大難題。之後一直睇住香港大起大落，不論民生、政治、環境由九八年到上年我番o黎之間，都可以講變o左八九成。

民生方面，"本地"香港人大部份都因為壓力而無力再理會好多事，情緒好起波動。而o係中共政策之下，每日有數百以上新移民湧入香港，o係呢十年期間"香港人"質素"下降o左好多好多。當時日日睇報紙見到o的倫常事件，朋友同事之間第一個問題會係:當時人係咪又係新移民呀﹖

政治方面，實在無奈之餘而痛心。因為香港人完全唔重視自己手上o既一票，甘心情願去做"順民"。o係香港時可以做o既都已經做哂，但係佢o地對政治o既睇法，仲維持o係好初步o既階段。到近日政改通過，可以話將香港打入中共設下o既佈局入面。有朋友講time will tell，我好贊成呢句，不過唔係放長雙眼o既意思，而係日後到佢o地知道永不回頭o既時候，真係time will tell (you how PRC government's real intention)。

環境方面，到o左難以置信o既地步。九八年番去o既時候，香港有三份之二o既時間可以有溫哥華o既晴空。十年後o既今日，都唔知一年有冇一個月呢種咁好多天氣。最嚴重o既一日到依家仲好記得，當我o係窩打老道行緊o既時候遠望街景好曚，起初以為係大霧，但係再睇清楚原來係haze，係濃到好似大霧o既煙霞﹗如果你o地想知"原凶"係邊個，係就大陸工廠除放出o黎o既污染物囉。所以真係唔明港府成日話點樣減低香港汽車除氣量。突然醒起，香港再好天o既日子有幾個情況: 1)吹南風 (因為海上冇污染物) 2)農曆新年 (點解﹖因為大陸工廠放假囉。只要香港一吹北或偏北風，天氣一定唔好，甚至非常非常差。之前我每個月都會唔舒服而要去睇醫生，依家番o左o黎年幾，一次都未睇過之餘，作病都係僅僅兩次。

講o左咁多，究竟我對香港依家o既感覺係點﹖之前我o既"十年浩劫"，真係夠皮有餘。其實以工作而言，香港發展空間絕對贏哂呢邊。不過，香港依家o既環境、民生、政治，誇張o既講係令我唔會對呢個地方有留戀。番去玩，見朋友冇問題。工作﹖生活﹖甚至生兒育女﹗﹖唔好講笑，呢邊贏到無影......

Ovaltine

We can't just blame it on the PRC government. To be honest, the whole Asia is facing problems of overpopulation, lack of resources, pollution, etc etc etc. Chinese people can get rich all they want, but it is not gonna change these facts. Until we start to use those wealth to face the problems we have today, these problems will just get worse and worse. Basically a rich family from China will come here, buy some houses, wait houses to go up in price, sell it. Nah man, the new way should be, invest in green companies, involved in green community projects, be part of Canadian government (later have an urge to change the world, when come to power.) too idealistic? easier said than done.

DragonFire

我都知做人要公私分明，但係對於PRC政府o既所作所為，實在難以苟同。

中共係一個政治團體，加上係"一言堂"，所以佢要維持權力係無可厚非(搵食o者)，但係因為咁樣就可以奪去國內人民o既應有權利嗎﹖

要國內人民對於世界有承擔，談可容易﹖小事由唔將垃圾分類，話之你係咪"綠筒""黑筒"，一切以方便自己為先，冇眼屎乾淨盲。有時真係唔想中國人話中國人，大家血濃於水，但係佢o地身上實在有好多問題連自己都唔去解決，成日就以為呢個世界係欠佢，佢有錢有權就等於可以享用世上一切。呢o的心態......點樣可以改﹖而又點解國內會有咁多呢類人存在﹖係當時人o既問題﹖定係國內社會、教育o既問題﹖始作俑者又係邊個﹖