請問點廢除功能組別? 係唔係搵人o係立法會向住班功能組別亂槍掃射, 之後就提出廢除功能組別方案?
更何況, 而家阿爺擺明話普選議席加, 功能組別一定要相應增加, 咁香港人可以點?
mcjohnjohn 發表於 2010-6-17 20:06 
要廢除功能組別，又符合民主成份循序漸進嘅 requirement，最簡單嘅就自然係逐步刪減功能組別嘅議藉。而邊個位減先，亦可以有好多唔同方法（例如先減去代表性最低，用有權投功能組別票嘅選民數目又得，用過往得票律最低有得，減咗不選而勝嘅果啲位置亦得）。有咁多可行嘅方法，但你件 Bowtie權卻偏偏要呃鳩香港人，咁即係算點？！
阿爺話普選加議席，功能組別一定要相應增加，呢個好明顯就係違背民主成份循序漸進地增加嘅解釋。既然如此，香港人唔係應該據理力爭咩？你特首三步曲又好、五步曲又好，個方案送咗上去，如果阿爺否決嘅話，咁好明顯香港人就可以睇見政改停滯不前嘅原因何在。認清真相之後要做／可以做啲乜，實在有太多可以做啦。
-力 |
發表於 2010-6-17 20:50
| 
