soli

有料嘅學者未必會教得好好，但無料嘅亦唔一定 guarantee 會教得好。但有料嘅教授卻好多時能夠令到學生大開眼界、擴闊視野，而呢樣野係啲九流教授永遠無辦法做到嘅。

唔覺得﹐我淨係知道有料既學者一絕大部份唔肯用extra time黎幫學生﹐人地忙住做研究﹐鬼得閒理班學生﹐反正教得差又唔會被炒(full prof)。 無heart 教書既話又點會教得好?

其實呢個話題﹐力仔要先申報利益囉~ 哈哈

mcjohnjohn

MJJ，真係枉你娶咗個教師老婆囉！人多大班有咩好？從學生或者教育嘅角度來講，大班做到嘅野小班一樣完全做到，而且可以做得更好！大班唯一嘅好處就係可以教多啲人，但相對犧牲嘅就係教學質數。

假如你同過任何稍為教多幾年嘅前線教育人員傾偈，而佢地又肯同你講真說話嘅話，佢地都會有個好現實嘅觀念：叻嘅一群唔需要老師點教都會自己讀得好好，差嘅一群就點教佢都係讀唔上（但咁唔代表佢地一定係壞學生）。師資同教學環境最能夠影響到嘅就係中間果班學生。一個好嘅老師、一個好嘅教學環境可以將一個自己讀得 50-60分嘅普通學生教成一個 70-80分嘅好學生，而小弟亦絕對覺得自己就係一個有幸可以響個咁樣嘅環境之下受到啟蒙而開竅嘅死靚仔。換咗你唔係響大班填鴨教育之下教出來嘅量產型學生，我肯定你一定會叻過依家。

有料嘅學者未必會教得好好，但無料嘅亦唔一定 guarantee 會教得好。但有料嘅教授卻好多時能夠令到學生大開眼界、擴闊視野，而呢樣野係啲九流教授永遠無辦法做到嘅。
Lik 發表於 2009-10-9 01:23

枉唔枉我娶咗個教師老婆, 我真係唔覺得你會清楚得過我law. 真係唔可以唔冷笑一下...  (有冇冷笑既icon?)

你真係認為只有小班教學可以令一個原本50-60分嘅"普通學生"教成一個 70-80分嘅"好學生", 我唔認同law... 由50-60分 變成 70-80分, 並唔代表佢由"普通學生"變成"好學生". 我覺得好反感... 我好想話你痴線... 分數就等於一切嗎? 我覺得呢個唔係我心目中既教育概念, 我覺得呢個係教育既徹底失敗.

大班都有好老師, 亦會有學生啟蒙而開竅, 呢d 都係睇下個學生本身既素質. 其實仲有好多野想講, 不過都係費事對牛彈琴... 小弟只係見到有人講到小班最好, 不如激d, 一對一"小班"教學law.

Littleprince

22# mcjohnjohn

唉也 MJJ﹐做乜做左人老豆仲甘好火架。。。力哥都無講名﹐你做乜對號入座唧﹖

mcjohnjohn

假設上堂唔留心聽書，又或者會搗蛋嘅同學仔百分比係一樣嘅話，咁你話一大班學生裡面，定係一小班學生裡面會有較高數量嘅呢一類同學呢？如果數量高啲，但係老師依然係得一個，咁你話老師處理上同對其他同學嘅影響又會係邊樣大啲呢？

-力
Lik 發表於 2009-10-9 01:56

力兄, 我話比你知個情況啦...
學生有問題, 老師一定要跟進. 以小弟既親身經歷, 有heart 既老師係會花好多時間係輔導學生既.
咁輔導學生都用左好多時間, 仲有時間教書同改簿咩? 有! 因為一日有24小時, 雖然老師上班係8-9小時左右, 但老師仲有15-16小時比佢處理教務的. 香港既打工仔就係咁悲哀. 放工? 乜野係放工? 可恨既就係d 家長仲要覺得既老師好得閒, 可以咁早"放工"(即佢d 仔女放學)woh.

可惜既係, 小弟睇唔到小班會令教師既工作量下調. 教育署係唔會比老師有好日子過的, 到時一定會搞一d 令老師工作量增加既新方案. 佢地覺得新方案, 新丫麻, 一定好啦, 不過一定做死d 教師law.

mcjohnjohn

22# mcjohnjohn

唉也 MJJ﹐做乜做左人老豆仲甘好火架。。。力哥都無講名﹐你做乜對號入座唧﹖
Littleprince 發表於 2009-10-9 10:53

小王好, 可能你覺得"就正如我地嘅場頭草阿哥一樣"係冇講名啦~ (雖然個場字錯左)

講火, 小弟拍馬都追唔上力兄.
有火係好既, 不過佢亂燒噴親我, 我都有權話過佢聽要小心d 噴law.

sheep

小王好, 可能你覺得"就正如我地嘅場頭草阿哥一樣"係冇講名啦~ (雖然個場字錯左)

講火, 小弟拍馬都追唔上力兄.
有火係好既, 不過佢亂燒噴親我, 我都有權話過佢聽要小心d 噴law. ...
mcjohnjohn 發表於 2009-10-8 20:01

紥咗炮咁耐
冇火先至出奇
過多一排
冇覺好瞓
口重臭D添

Lik

好，見「支力」「支力」地，又同你地玩吓。

唔覺得﹐我淨係知道有料既學者一絕大部份唔肯用extra time黎幫學生﹐人地忙住做研究﹐鬼得閒理班學生﹐反正教得差又唔會被炒(full prof)。 無heart 教書既話又點會教得好?

其實呢個話題﹐力仔要先申報利益囉~ 哈哈soli 發表於 2009-10-8 15:11

教授唔肯用extra time來幫學生？哥哥仔，你有無讀過大學㗎？知唔知道咩叫做 office hour 呀？做教授幾忙都好，office hour 唔做嘅話會俾學生同 department 小㗎。你估做研究真係大晒㗎？同埋，你估做研究吓吓要自己落手落腳做嘅咩？你唔識做 research 個 process 嘅話，就唔好扮勁，走出來獻醜丟自己架啦！

而且，好多 prof 其實都非常好人，而且對自己嘅學科同題目極其有興趣。小弟自己讀書果陣，九成以上嘅時候只有係自己懶，唔肯去搵個 prof 來幫手／求救。咁多年來，除咗一個串爆 econ prof 之外，其他所有教授都係有問必答，言無不盡。而且，曾經唔只一次 go out of his way 去幫我嘅恩師教授亦大有人在。佢唔肯、唔會講個答案俾你聽就預咗㗎喇（而佢亦唔應該咁做），但叫佢解釋嘅話卻一定係詳盡非常嘅。當然，小弟自己資質有限，明唔明又係令外一件事啦。

申報利益？你想我申報乜野利益呢？我無做大佬好耐喇喎？

你真係認為只有小班教學可以令一個原本50-60分嘅"普通學生"教成一個 70-80分嘅"好學生", 我唔認同law... 由50-60分 變成 70-80分, 並唔代表佢由"普通學生"變成"好學生". 我覺得好反感... 我好想話你痴線... 分數就等於一切嗎? 我覺得呢個唔係我心目中既教育概念, 我覺得呢個係教育既徹底失敗.

大班都有好老師, 亦會有學生啟蒙而開竅, 呢d 都係睇下個學生本身既素質. 其實仲有好多野想講, 不過都係費事對牛彈琴... 小弟只係見到有人講到小班最好, 不如激d, 一對一"小班"教學law.mcjohnjohn 發表於 2009-10-8 18:42

分數自然唔代表一切，而且我所講果個 50分學生亦唔係形容成績或者學分，而係形容德智體群美呢個五育理念嘅 quantitative measure。（唔知五育理念係乜就去問吓你老婆啦～）我之前個 post 講得唔清楚係我嘅問題，但係「分數等於成績」呢個咁狹窄嘅眼光卻係你嘅問題喇～

我從新講一次，最好嘅學生唔須要老師點教，最差嘅學生亦係爛泥扶唔上璧（雖然我相信呢一類學生嘅數目其實一啲都唔多）。但一個好嘅老師、一個好嘅學習環境，卻可以將一個德智體群美本來加埋只有 50-60分嘅普通學生教成一個有70-80分嘅好學生，而呢一類學生嘅數量就永遠係最多，亦係最需要得到教育上嘅扶持。呢個係我心目中既教育概念，但香港嘅教育制度卻絲毫都辦唔到，所以我話佢徹底失敗。

當然大班教學一樣可以教出好學生，但 everything else being equal，我深信小班教學出來嘅學生卻一定可以做得更好。而且老師亦可以同時舒服同活得有尊嚴一啲。上完 8個鐘堂仲要改簿、備課、寫報告咁搞多 8、9、10個鐘？！而且人工仲要唔係特別好！呢份係咩工、呢個係咩人生來㗎？！

小班教學唔可以令老師嘅工作量下降？！大佬，你到底點做老公、知唔知自己老婆工作上要做啲咩㗎？！一班由 40人減到 25人嘅話，一個學期教 7班，夾埋你知唔知道會係用少幾多時間，又可以將教育嘅質量提昇幾多？！當然，響孫明揚呢條契弟嘅領導之下，響香港做教師就點都無好日子過㗎喇。

-力

myversa

Reading lik vs mjj is better than watching lik vs peter la.  Both are good debaters...

mcjohnjohn

分數自然唔代表一切，而且我所講果個 50分學生亦唔係形容成績或者學分，而係形容德智體群美呢個五育理念嘅 quantitative measure。（唔知五育理念係乜就去問吓你老婆啦～）我之前個 post 講得唔清楚係我嘅問題，但係「分數等於成績」呢個咁狹窄嘅眼光卻係你嘅問題喇～

我從新講一次，最好嘅學生唔須要老師點教，最差嘅學生亦係爛泥扶唔上璧（雖然我相信呢一類學生嘅數目其實一啲都唔多）。但一個好嘅老師、一個好嘅學習環境，卻可以將一個德智體群美本來加埋只有 50-60分嘅普通學生教成一個有70-80分嘅好學生，而呢一類學生嘅數量就永遠係最多，亦係最需要得到教育上嘅扶持。呢個係我心目中既教育概念，但香港嘅教育制度卻絲毫都辦唔到，所以我話佢徹底失敗。

當然大班教學一樣可以教出好學生，但 everything else being equal，我深信小班教學出來嘅學生卻一定可以做得更好。而且老師亦可以同時舒服同活得有尊嚴一啲。上完 8個鐘堂仲要改簿、備課、寫報告咁搞多 8、9、10個鐘？！而且人工仲要唔係特別好！呢份係咩工、呢個係咩人生來㗎？！

小班教學唔可以令老師嘅工作量下降？！大佬，你到底點做老公、知唔知自己老婆工作上要做啲咩㗎？！一班由 40人減到 25人嘅話，一個學期教 7班，夾埋你知唔知道會係用少幾多時間，又可以將教育嘅質量提昇幾多？！當然，響孫明揚呢條契弟嘅領導之下，響香港做教師就點都無好日子過㗎喇。

Lik 發表於 2009-10-9 13:21

力兄, 係你講50-60分既普通學生, 去到70-80分既好學生! 係係呢d 講野唔清唔楚, 仲要強加罪名o係小弟身上(註:「分數等於成績」呢個咁狹窄嘅眼光卻係你嘅問題喇), 你呢d 人狹窄既成府, 死不悔改卻指桑罵槐, 真係司馬昭之心, 路人皆視.

心裡面果句都講埋比你聽喇, 你低能唔該低得有個譜啦! 講少句冇人話你啞, 唔知頭唔知路唔該就出少句聲, 尤其當你出聲既時候, 以為自己乜都知而人地就乜都唔知既果種世界唯我獨尊既態度, 真係唔知好嬲定好笑law! 話我到底點做人老公? 我唔識做人老公既話, 我諗你要做公公law. 如果你覺得行小班就即話令老師工作量減少既話, 唔該你早d 瞓, 發夢冇咁早, 到時一定有野比d 老師搞, 鑊鑊新鮮鑊鑊甘的, 你呢個加拿大人又點會明白香港教師既真正情況呢?

唔想浪費時間逐一反駁你, 因為真係o徙心機, 你個人咁有主見, 人地講乜你都當廢up 架喇. 最後, 孫明揚唔算太差, 點都好過李國章同飯焦. 希望教育署真係搵到一個適合香港既教育政策吧~

mcjohnjohn

紥咗炮咁耐
冇火先至出奇
過多一排
冇覺好瞓
口重臭D添
sheep 發表於 2009-10-9 12:28

多謝關心~
呢一排真係為左照顧囡囡而冇覺好瞓, 點都會有d 心火盛架喇. 羊羊, 你可以犧牲一下自己比我出下氣嗎?