peter236

As long as 毓民 is rational, I support...
lo_pak 發表於 2011-7-2 19:08

The mad dog is never rational. He is making excuses for his ruthless actions. People who are occupying the streets for too long are violating other peoples rights.

mcjohnjohn

支持七一遊行, 表達人民訴求~

Lik

笨實~

lo_pak

回復 33# Lik

There may be more...

mcjohnjohn

笨實~
Lik 發表於 2011-7-4 11:55

人地會唔會係真心係想去遊行去表達自己既心聲?

Lik

MJJ，你無病呀化？真心係想去遊行去表達自己既心聲，咁都要全程帶埋耳機？相都俾人影埋啦，仲要扮天真扮傻咁去亂up野...我唔該你用腦諗吓野先講出口啦～

http://www1.hk.apple.nextmedia.c ... 704&sec_id=4104

隔牆有耳：一句食屎　分清無間道
2011年07月04日

若要人不知，唔好太低 B。 7.1遊行後，逾千示威者佔據中環，唔少卧底警混入示威者當中。其中三名「無間道」冇嚟醒目，卧底身份被網民揭穿。高登網民幫呢三個無間道起朵，叫佢哋做「無間家庭」。當晚佢哋混進人民力量當中，一時跟大隊遊行，一時又踎低扮堵塞道路，扮鬼扮馬不斷收風攞料。

隔牆有耳：一句食屎　分清無間道

叫口號時卧底封嘴無間家庭清一色穿着深藍色 polo恤，孭住背囊，跟大隊一齊踎低堵塞道路。齋睇好似一個熱愛民主嘅和諧家庭，點知原來係各懷鬼胎，一人一部耳機不斷滙報現場情況，終於露出馬腳。網友話每次嗌口號時，特別係叫警方食屎，或同警方爆發衝突，無間家庭都自動收口或閃埋一邊，網民影低佢哋「全家福」，無間媽咪即時用傳單遮臉，最諷刺係張傳單劈頭寫住「反對警權肆虐」。起底組「巴打」即時做嘢，懷疑個無間媽咪係警方行動部公眾活動聯絡組嘅副主管陳秀玉，唔少社運人士都話畀呢位 Madam陳「招呼」過，有人仲將佢張卡片放上網。八方就根據卡片上嘅手機號碼聯絡 Madam陳，點知打咗成晚都飛咗去留言信箱，冇人回覆。

其實警方派卧底混進示威人群都唔係第一次。藝術工作者黃洋達喺 facebook留言話，當日遊行知道有大量便衣混入，特登喺台上叫口號「曾偉雄，食屎」，成班便衣警冇人敢出聲。當晚亦有示威者舉起牌，指根據《警察通例》，警員必須掛起委任證，抗議班無間道鬼鬼祟祟咁收風。有網民就話，如果班警察唔想俾人認出，下次示威可以戴面具，認真好「橋」。睇怕卧底警察下次都要諗個新造型亮相。

同場加映


7171師姐今年 7.1遊行百花齊放，八方當日喺邊寧頓街同怡和街交界偶遇一位師姐（圖），唔使舉橫額叫口號，單睇佢個編號 7171，就知佢係「身在曹營心在漢」啦。難怪呢位師姐有啲怕醜，孭住 7171編號曲線撐 7.1遊行，遇上示威者向佢敬禮，都唔知畀乜反應好。王家文攝


警察要唞唞音樂人黃津鈺 7.1示威被捕，翌日獲釋時見到成班 OT多時嘅軍裝也累了，喺臨時帳篷內小睡（圖）。佢話被捕後，大批反黑組奉命返警署，冇得瞓「咁我咪同佢哋講，要一齊鬧林公公啦」，大家相視而笑。


網民發現 7.1當日三位疑似警員混入遊行隊伍扮示威者，幫佢哋起咗個朵叫無間家庭，據講無間媽媽係公眾活動聯絡組副主管。

mcjohnjohn

MJJ，你無病呀化？真心係想去遊行去表達自己既心聲，咁都要全程帶埋耳機？相都俾人影埋啦，仲要扮天真扮傻 ...
Lik 發表於 2011-7-4 14:02

你諗下, 如果人地真係真心來遊行, 咁就比大家o係網上妖化左, 比著你係佢地, 你個心會唔會好受? 我唔知自己有冇病, 自知道網上好多人都會寧枉無縱, 因為枉完人之後拍拍屁股走左就當冇事發生過.

我係唔明點解大家可以完全排除佢係真心參與遊行呢? 網上"法庭"其實都幾似共產黨, 冇左"疑點利益歸於被告", 要"被告"證明自己冇罪. 可惜通常證明左自己冇罪之後, 一早比人小到體無完膚了.

最後, 帶耳機行街唔得架咩? 我屋企都有人出街都帶耳機, 佢話方便接電話, 咁我覺得呢個係佢既自由.

-- 堅決唔參與網上共產黨批鬥既 MJJ

chunsh

不論事實是無間又好﹐真心又好
力哥一直的所言所行﹐實實在在和紅衛兵在文革時的批臭﹐扣帽子行動沒兩樣。
其實................誰是"無間"????

MoiRhapsody

老老實實，無論如何，
保皇派好多都漏口風要推遲表決，
71目的已達，
move on to 713!

Lik

呵呵～

你班契弟去抹黑我，都唔係第一次啦？事實擺在眼前你都可以唔信，你去向阿爺獻媚，咪繼續囉～

就好似之前啱啱睇到嘅呢個 post 一樣：
http://plastichk.blogspot.com/2011/07/blog-post_04.html

睇完高志森於 Facebook 對市民的侮辱之後，我決定呢一世人從此杯葛呢位人士的任何作品，特此通告

持美國護照的高志森導演說：「阻礙交通是抗爭的代價」是自私自利的說法！
高志森：「一班社會失敗者。」

我相信高志森先生第一件事，係要撕爛本美國護照 upload 上網，同埋以後留在中國，唔好再去外國啦，因為全世界的示威同罷工，都係會阻礙交通的，例如早幾日的英國大罷工。

相對於高志森導演的成功，我地一班後輩當然係非常失敗，因為我地唔肯投共，唔肯為呢個無恥政權擦鞋，付出時間去為社會爭取公義，而唔係只識賺錢仲要奚落爭取社會公義的人。

另一方面，我地呢班社會失敗者，都有好多唔同行業，為社會付出貢獻的人，包括一些佢成日想我地入場睇佢戲的專業人士。不過既然佢認為我地失敗，所以我地決定以後都唔再睇佢有份製作的任何作品，以免影衰佢的偉大而成功的名聲啦。

高導演，返去大陸拍套「我和毛主席有個約會」、「香港新變色龍 2011 啦」、或者「賣港偉業 」啦