返回列表 發帖

香港人買樓的故事

hello大家新年快樂。

新一年唔知有幾多LYK會選擇置業。對一班做嘢無耐又無"後台"嘅年輕人嚟講﹐買樓真係一個好大嘅investment。但係如果你係香港人的話﹐呢個好可能係一個遙不可及嘅夢想。事源2008年開嘯開始﹐好多人都話要趕上車。點知未夠一年﹐由低處未算低(好多人身家蒸發7成)到樓價再創新高﹐好多人連架車個門都無見過。尤其政府對打壓樓價一直無任何動機﹐好多中產小家庭都自覺買樓無望。

當然﹐好多人持住不同意見。現今自稱80後嘅一群人都為置業好懊惱。其中呢個article嘅事主都講中好多人心聲﹕

"80後慨嘆置業困難
(明報)2010年1月2日 星期六 05:05

【明報專訊】「80後」的陳小姐(左)移民外國10多年,近年返港工作,昨日首次參加遊行。她說,遊行目的主要希望爭取普選    及民主,加上內地異見人士劉曉波因言入罪,亦令她擔心失去言論自由。除了政治議題,任職銀行的她認為政府在照顧基層方面做得不足,特別是住屋問題,私人市場樓價飈升,亦有不少人不合資格住公屋,政府應協助他們解決這需求。

陳小姐坦言自己亦有難題,她現時與家人同住,但日後組織家庭時也想置業,月薪卻只得萬餘元,最便宜的樓售價都要逾100萬元,擔心根本無法「上車」。她慨嘆,像她這樣的80後,生活擔子較上一代重,現時大學畢業投身社會,人工比上一輩少一大截,但面對的競爭卻愈來愈激烈,既要跟外國比,又要跟內地爭;物價亦不斷升,新一年交通費增加,但許多基層的薪金加幅不能夠追上。她說,政府不是無盈餘,故希望政府新一年多協助市民解決這些問題。"


當好多人話樓價同平均人工不合比例之際﹐我亦見到有部份香港網民反駁﹕

"年薪廿萬,100萬樓只需要5年人工便可以買斷一間姑婆屋。(唔洗住唐樓洋樓,新界近港鐵站大型屋苑都係賣緊咁既價錢,例如嘉湖,金獅都係賣緊110萬)

如果公一份婆一份,只需2年半,

分20年供,買樓有何難呢?"


(quote自discuss)

我自己就覺得如果結婚後兩份(普通)人工的話﹐其實要供200多萬樓係唔算太難。當然首期會係真係最頭痛一環啦。但係又講﹐好多香港人其實出身後/結婚前都係同屋企人住。家用除左真係幫補屋企其實好多父母都會幫自己仔女儲起D錢。一般小康之家﹐我諗做十年嘢點都儲到多少掛? 我唔知有幾多人真係諗過買樓﹐我想聽一D真實嘅買樓故事﹐成功或失敗。


-- 80後大C姐

大學畢業依家響香港搵到幾多錢?普通來講應該搵唔到 $15000 一個月囉。

我唔知道大學畢業後五年要搵到年薪廿萬(月入萬七)有幾難,但可以肯定嘅係,就算真係年薪廿萬,身處香港地,你估平時唔使使錢咩?淨係搭車同食飯兩樣都去咗你唔少啦。有 grant loan 又要還 grant loan,無 grant loan 都要俾返多少錢老竇老母買野食掛?七除八拆之下,又可以淨返幾多?

而且,200幾萬嘅樓會響邊處呢?山卡啦嗎?定係天水圍、上水、或者沙頭角呢?

-力

TOP

個個香港人冇錢但係都想買樓
成日D節目都話月薪10000但係又話樓價貴
好心搵塊鏡照下
你買唔起樓就唔好買

個個淨係識話點解樓咁貴
又唔反省下點解自己咁廢30幾歲仲係搵1萬幾

TOP

香港搞到而家咁就係因為個個淨係識發夢
但係除左發夢又唔會想辦法去實現夢想

TOP

大學畢業依家響香港搵到幾多錢?普通來講應該搵唔到 $15000 一個月囉。

我唔知道大學畢業後五年要搵到年薪廿萬(月入萬七)有幾難,但可以肯定嘅係,就算真係年薪廿萬,身處香港地,你估平時唔使使錢咩?淨係搭車同 ...
Lik 發表於 2010-1-3 18:38



當然200幾萬就唔會係港島區港鐵地段啦﹐但係遠極都有巴士小巴掛? 其實好多地放真係唔算好遠﹐好多朋友住大埔返中環都係45-50分鐘到﹐我覺得可以接受囉。

同埋香港生活可貴可平﹐除非你真係要養起頭家上有高堂下有細佬妹要供養﹐咁無得好講啦。但係亦唔係個個80後都要養家﹐就算要俾家用﹐都平過自己出去租地方掛?

-- 慳家C

TOP

香港人成日講到步行10分鐘已經好似返鄉下咁遠

TOP

3# 快樂牛郎


"睇左鏗鏘集 ~ 家庭月入$25,000 都怨天怨地,嫌三嫌四 E-mail 此主題給朋友

我又咪係同佢地一樣, 家庭月入$26000
04年兩個人plan 08年結婚, 兩個人月入$15,000供1.1M樓
09年兩個人月入$26000 1.9M賣出換2.8M樓
我地都below30, 就來有bb,我覺得都係高不成低就, but比上不足比下有餘, 從不怨天尤人, 先苦後甜....呢一代80年後出生既港男港女...唔該....反省下啦...."

原本我都好似Lik哥覺得香港80後買樓夢碎﹐但係望一望溫市D樓價﹐都唔係爭好遠....

TOP

小弟就係果d 有少少能力買樓, 而又唔想比層樓影響自己生活既人.
所以, 幾年前只係用左under 200萬去買左一層唔係地鐵沿線既樓(要行十幾分鐘先到新界區某地鐵站). 而家一個月供5千幾, 係家庭收入既x%(x係個位數), 不知幾嘆. 不過, 而家bb 出左世, 就要諗下遲d 駛唔駛買間大少少既樓了.
祝大家永遠快樂! ^^

TOP

大學畢業依家響香港搵到幾多錢?普通來講應該搵唔到 $15000 一個月囉。

我唔知道大學畢業後五年要搵到年薪廿萬(月入萬七)有幾難,但可以肯定嘅係,就算真係年薪廿萬,身處香港地,你估平時唔使使錢咩?淨係搭車同 ...
Lik 發表於 2010-1-4 09:38

其實, 畢業頭兩三年真係儲唔到錢, 收入唔高(差唔多$15000 一個月), 又要還grant loan, 又要養家...
不過, 自從細佬出左身, 屋企負擔就少左好多, 而人工又高左少少, 所以就開始儲到錢了.
祝大家永遠快樂! ^^

TOP

做人要能屈能伸, 我o係溫哥華住間屋七千幾呎, 番香港咪一樣睇緊d百五萬以下, 三四百呎既樓...
其實o係香港某d地區(如香港仔,土瓜灣))都有d一百萬以下, 三四百呎樓賣, 唔一定要住到山卡啦...
唔好唔記得, 曾特狗話700呎以上既, 都算係豪宅, 三四百呎已經唔錯啦.
人來人往,緣起緣滅,世事不過如斯。(c)
生, 老, 病, 死, 求不得, 愛別離, 怨僧會, 五陰盛.
人間八苦, 至死相隨。

TOP

返回列表