|
 
|
衝擊呢啲假嘅諮詢我絕對贊同，但毛哥同皇上咁樣衝上台，我就始終覺得唔適合，但最少我都完全理解佢地點解要咁做。
所謂嘅「諮詢會」9點鐘可以開始攞飛，但10點未夠打電話去要就已經話派晒。300幾張飛用電話索取，唔使1個鐘就派完？你玩我呀？然後諮詢會當日睇住民賤聯定公聯會一眾保皇黨嘅人一車車咁用旅遊巴士送晒啲公公婆婆來參加諮詢會，霸足9成坐位有多。發生緊咩事，個諮詢會有幾公開、有幾諮詢，係邊個剝奪邊個表達意見嘅自由，大家有眼見。當你個特衰政府可以無恥到使橫手來做假諮詢做出晒面，唔衝擊佢，實在係對唔住自己。你認命咩都唔做嘅話就即係等於俾佢食硬，仲要間接做埋幫凶。
但估唔到個阿蟬同林公公有啲野都講得幾啱：
係邊個一味惡、一味唔講道理？除咗特衰政府樣樣野要霸王硬上弓同行政使橫手之外，除咗特區公安一味無理打壓示威者之外，仲可以有邊個？
「同一批嘅黨派、同一批人士響唔同場合去唔尊重香港嘅法律」，呢句咪正正係鬧緊保皇黨班契弟同各首長級官員？保皇黨支持替補機制、藐視憲法裡面所寫明市民享有嘅選舉權。禿鷹曾響立法會擘大眼講大話，呢啲咪正正係林公公所講嘅唔尊重香港法律？
「搗亂中環交通」，呢句就係指責緊特區公安亂咁封路、截龍，阻礙遊行人士參與同完成遊行。
而要去堵塞漏動，要做嘅咪就係踩你場，顯露晒你班官員同保皇狗有幾賤格，然後趕你落台囉？ |
|
發表於 2011-9-1 22:47
|