本帖最後由 jiujiujiu 於 2012-6-11 20:14 編輯
哈哈哈~ 又係我~ 又交report 喇!  今次就係Penang Delight Cafe 馬來檳城美食! 實在我係上個月去吃嘅~ 呢間野我成日開車經過, 想吃好耐, 但我老公又唔好, 所以, 咪成日都無得吃囉~ 誰不知, 原來我有幾個朋友都鍾意吃, 梗係要去試啦! 我地叫左: 炸子雞翼 Chef's Special Chicken Wings, 五香蝦棗 Penang Shrimp Roll, 沙嗲牛&雞 Beef & Chicken Satay, 印尼沙律 Gado-Gado, 芒果蝦 Mango Prawns, 馬來風光(秋葵) Sambal Kang Kong (Okra), 亞參喇沙 Asam Laksa, 馬來炒麵 Mee Goreng, 仁當羊肉 Rendang Lamb, 馬來薄餅 Roti Canai, 桔仔玫瑰露 Syrup Bantung & 椰子糕 Kuih Dadar
係咪好多野呢, 我都知道, 我地4個人, 好似餓鬼咁, 見到想吃就叫, 真係恐怖, 但我可以話比你地聽, 我地係吃唔晒嘅!
好, 廢話少講, 講下D野食~
- 炸子雞翼 Chef's Special Chicken Wings, 炸得好鬆脆, 但略嫌淡左少少
- 五香蝦棗 Penang Shrimp Roll, 都係炸得好鬆脆, 味道唔錯
- 沙嗲牛&雞 Beef & Chicken Satay, 味道唔錯, 亦都唔乾, 但無咩特別, 無失望, 無驚喜
- 印尼沙律 Gado-Gado, 唔錯, D豆腐炸得好脆, D汁都OK架
- 芒果蝦 Mango Prawns, 有少少驚喜, 少少辣, 少少酸, 幾開胃呀
- 馬來風光(秋葵) Sambal Kang Kong (Okra), 平時D馬來風光, 通常都用通菜, 但剛剛佢地無晒通菜, 所以, 就叫左我最鐘意吃嘅秋葵~ 當然有驚喜啦! 仲要俾個Like 佢添呀!
- 亞參喇沙 Asam Laksa, 呢個Laksa, 唔係大家吃開個D咖哩Laksa, 呢個Asam Laksa 係酸嘅~ 同埋係無炸魚片, 雞蛋同雞肉嘅, 裡面有沙甸魚, 個湯酸酸地, 唔錯架! 我不嬲都鍾意吃呢隻Laksa, 但唔係度度都有得吃, 佢做得真係唔錯, 但就略略酸左DD囉~ 個湯好濃架都! 好地道!
- 馬來炒麵 Mee Goreng, 吃馬拉野, 點可以唔吃Mee Goreng 呢, 我就好鍾意喇, 甜甜地, 少少辣, 正!
- 仁當羊肉 Rendang Lamb, 又係我另一飛佛, 好好好好吃! 味道夠濃, 少少辣, 食唔晒打包, 第二日再吃, 仲好吃呀!
- 馬來薄餅 Roti Canai, 有Rendang Lamb, 又點可以無Roti 呢, 佢地個Roti 好好好吃, 個汁少少辣, 味道好好, 如果攞嚟點Rendang Lamb 個D汁, 仲正!
- 桔仔玫瑰露 Syrup Bantung, 因為吃得太多辣野, 所以就想叫杯野飲, 阿老闆就介紹做呢杯野過我地喇~ 佢話係好地道馬拉人嘅野飲, 用rose water 加馬拉桔仔整嘅, 甜甜地, 好香桔仔味, 但自問我就唔多識欣賞喇, 我覺得好似藥水味! 但卻實有真係飲完個口會無咁辣wor~
- 椰子糕 Kuih Dadar, 因為我其中一個朋友識得個老闆, 所以, 阿熱情老闆就送左呢個甜品過我地喇~ 實在我就唔多吃甜野嘅, 但人家送到, 唔吃又好似唔係咁好啦, 咁所以我地咪吃囉~ 個餡係椰糖同椰絲, 唔駛解釋都知道有幾甜啦! 但個皮呢, 我就好欣賞wor, 唔單止唔甜, 仲煙煙un un 咁~ 所以, 我就撩晒D餡出嚟, 淨係吃個皮喇~
炸子雞翼 Chef's Special Chicken Wings
五香蝦棗 Penang Shrimp Roll
沙嗲牛&雞 Beef & Chicken Satay
印尼沙律 Gado-Gado
芒果蝦 Mango Prawns
馬來風光(秋葵) Sambal Kang Kong (Okra)
亞參喇沙 Asam Laksa
馬來炒麵 Mee Goreng
仁當羊肉 Rendang Lamb
馬來薄餅 Roti Canai
桔仔玫瑰露 Syrup Bantung
椰子糕 Kuih Dadar |
發表於 2012-6-11 20:08
| 
