各位老友記, 如果你係當事人, 你會點? (Part 2) 因, 故事

jiujiujiu

呢個post, 係之前(大概1年前)嘅post"各位老友記, 如果你係當事人, 你會點?"之後嘅故事, 我真係好想問下, 如果你D朋友入面, 有劇咁嘅野, 你會用乜野形容佢(我講緊個男主角, 當然, 如果要comment 我個friend, 都無問題, 因為我都已經鬧到佢飛起already)!

因為個故事太長, 我用point form 啦! 賤量跟番事發嘅time line 啦!

• 話說, 當發現我個朋友有左之後, 劇野夠膽死叫人落作佢, 我個朋友咪話: "落我就唔會喇, 但如果你唔想要, 你可以走架!" 但個劇野死都唔走, 話要做老豆啵.....
• 過到來Vancouver, 我咪帶佢地四圍騰囉, 有次, 去到Richmond Center, 我朋友响Godiva 門口, 望到粒chocolate covered strawberry, 想騰入去買黎食, 劇野就一句噴埋黎, "買咩喞買", 我朋友咪好無癮囉... 跟住, 响Fruit & Passion 門口, 見到人減價, 咪入去買幾支野攞番HK做手信又好, 自己用又好囉, 買得個幾支野, 劇野又嘈, 話"買咁多做咩呀, 你拎呀!" 咁, 我個朋友當堂眼都紅晒, 我聽到劇野咁Q寸, 我咪一句彈埋去囉: "依家搞成今日咁嘅局面, 係邊個搞成咁架, 莫講話拎幾支野啦, 拎7箱你都要拎架啦~ 唔係你佢駛咁折墬... 仲好似隻癲狗咁周街吠..." 跟住, 劇野咪立刻收聲囉...
• 佢地臨走執行李, 點知爆gib, 劇野又鬧到人想喊, 然後, 我朋友落樓下搵我求救, 我上到去, 劇野唔幫手執不特止, 仲夠膽死响度訓覺, 咩人黎架! 我見到我朋友真係爆gib, 咪托個舊gib 過佢, 等佢拿番HK囉, 劇野先死死氣起身幫手執....
• 劇野屋企個邊有咩function 都要我朋友到, 但我朋友屋企個邊有咩function, 佢夠膽死話"唔好要我去咁多D無聊應酬飯局" 人家阿爸阿媽, 外公外婆仲健在架! 去同佢地食飯就係"無聊應酬飯局"囉!
• 我朋友生之前, 做咁多次檢查, 隻野只係陪過佢1次咁大把, 人家都已經盡量禮拜6去做, 都唔願陪人.....
• 好啦, 個B出世啦, 夠膽死仲响間屋個廳度食煙, 就算去廚房食, 都係要含住啖煙, 入到廳先噴番出黎, 聽講, 個B响個廳度架啵.....
• 個B依家已經6個月, 佢唔養家唔俾家用唔俾水電煤都算, 佢夠膽死到今時今日都係出過錢買3包尿片咁大把....
• 我朋友一路都養隻貓, 小貓都已經10幾歲, 好話唔好聽, 都個頭近啦, 人家有時有性格咁响個廳度大小便, 佢發曬癲咁片隻小貓, 人家咁老, 有失禁又唔出奇, 發脾氣又唔出奇, 佢係大人一個, 隻小貓賴左咪處理佢咪搞掂囉, 又唔駛死, 做咩喊打喊殺, 有咩交同我朋友嘈, 就話要佢一係要隻貓, 一係要佢呢...
• 自己搵埋D錢就拿晒去竹館度輸, 家又唔養, 心情唔到就夜麻麻去飲酒, 有時就買幾支大啤加幾包花生返屋企, 我都未見過人食花生食得咁衰格, 搣完殼之後, 卒到一地花生衣, 自己又唔清理, 花生衣好難搞架嘛, 做死人咩... 個老婆又要湊仔, 仲要服侍埋佢... 仲要話人懶唔執屋吸塵...
• 有個B响屋企, 就咪鬼去咁多街啦夜晚, 佢一個禮拜最少搵人陪佢飲酒飲3晚, 仲要搞到2點幾先返, 佢唔幫手湊都算, 個老婆要半夜起身餵B架嘛, 咪搞到人成日無得訓啦! 咁PK! 人家第二日仲要起身返工架! 仲要飲完酒成日發酒癲... 仲試過醉到自己開隔離房度門, 然後就响隔離房peepee.... 我聽到都O晒嘴, 但聽到多過一次之後, 就真係
• 劇野唔幫手做家務不特止, 仲成日話個老婆唔做, 大佬, 想做死人咩! 仲要成日撩交黎嘈, 一嘈親, 就响度咆哮, 嚇到個仔都驚佢, 唔俾佢抱, 見到佢拎開塊面唔望佢架喇, 呢期仲要嚇到個仔嘔黃膽水, 食左保嬰丹都訓到半夜, 發夢喊!
• 嘈親都話要拎走隻貓, 又話要掉隻貓落街, 明明自己錯, 都要賴隻貓! 咁大個人, 成40幾50歲, 都淨係識賴隻貓, 當晒自己無錯, 自己永遠都唔會錯!
• 我朋友有次開OT, 咪叫劇野去個保母度接仔囉, 佢夠膽死响竹館掛住打牌都唔去接仔, 搞到要保母打電話俾我朋友, 問佢幾時接....
• 見隻貓响個廳度賴左, 居然拿個吸塵機個兩碌pipe 去追貓打, 打到個兩碌野爆晒斷埋, 打完又收埋個兩碌野, 扮無掂過, 部吸塵機新買架, 用左2次咋! 成日當人用錢買嘅野係垃圾, 用野粗到死, 發脾氣連雪櫃都踢凹埋~ 踢雪櫃個陣, 個雪櫃買左唔夠2個月架!
• 上個禮拜, 飲完酒, 2點幾先捨得返屋企, 又發酒癲, 响屋企又撩交嘈, 又咆哮, 又係三幅被, 又賴隻貓, 仲要發神經, 話"一早都叫你唔好要個B架啦!" 跟住嘈嘈下, 走入廚房, 拿把菜刀出黎, 同我朋友講"一係你就拿呢把菜刀斬死我, 一係斬死阿B"! 嘩, 嚇到我個朋友立刻踢佢走!
• 我朋友踢走左佢之後, 就立刻send 左個message 俾劇野個家姐, 同佢家姐好客氣咁講晒個劇野D野, 因為我朋友平時同佢個邊D人無咩野好講, 所以, 人人都以為係我朋友衰, 但我朋友一次過講晒劇野搞咩, 叫佢接收返佢細佬... 當堂佢個邊屋企人先知道個細佬有幾咁PK....

以上都係個劇野嘅所作所為, 只有講少左講漏左, 但就絕對無添加! 仲要係重複發生....

我都唔知道我朋友點頂個劇野, 成日都話唔想個仔响單親長大, 但個仔响咁嘅環境長大, 都唔見得對個仔無壞影響, 分分鐘壞影響仲大過單親.... 次次踢走條佬, 都會開返門個佢入屋.... 到依家搞到咁大單, 都仲同我講, 會俾機會佢....  我真係speechless.... 不過, 又唔係我老公.... 我只可以每一至兩個禮拜, 就我朋友呻一次, 次次都係三幅被, 老實講, 聽到佢電話又覺得煩, 聽唔到佢電話又擔心.....

fibbi

與其個小朋友喺啲咁嘅環境長大，寧願單親家庭好過。

不過一個願打，一個願捱，無得講啦。

randommike

is this what they meant by 'girl like bad boys, nice guys finish last'

HK also have social services right? get your friend to give them a call.
best of luck, jiujiujiu

lo_pak

只要您朋友能夠"自食其力"，沒有什麼可可怕的……
女人，只要"你"能夠"証明"能夠"自食其力"……沒有什麼人可以傷害你們，除了子女……

lo_pak

回復 2# fibbi 伱説了，
你講咗，等如無講……

fibbi

回復 5# lo_pak


    個女嘅如果係識諗嘅就飛咗個男嘅好耐啦。所以就算旁觀者講咩都係等於無講架咋。

lo_pak

可以用來形容父親可以是"他"，也可以是"牠"，更怎者，也可以是"它"……
"他"，可以—世也忘懷不了；其它的"它"，只會是痛中的苦……

reyes

用個吸塵機個兩碌pipe 去追貓打---笑鳥
咁既男人冇形容詞可以形容到, 只可以講佢連'紙'都不如

香港都有好多好似呢D男人, 佢地有咩吸引力令個女可以一次又一次俾佢返入屋

大C姐

回復 1# jiujiujiu


    首先，我冇睇過你之前個post，我唔係好知前文後理，但係你講完第一個point已經唔洗再睇落去，已經覺得你個立場好有問題。

我經常同人講，每個人都有老竇老母，兩位家長都有權同義務幫BB做決定。點解你會覺得個男人叫你朋友唔好生係咁不人道？掉轉講，若然個男人想要BB，女嘅唔想要，男人可唔可以逼佢生仔？

各位姊妹，真係唔好覺得個肚喺自己度就可以話晒事，你唔俾個爸爸有意見一意孤行，其實一樣咁自私。

有咗BB係兩個人責任，女方唔避孕或唔要求對方避孕，都係有錯。自己未成熟未了解家庭狀況堅決生仔，對個BB好唔公平。你個女朋友（可能包括你）覺得落仔好唔道德，同啲冇諗後果就養寵物嘅主人一樣，欠成熟兼不負責任。既然意外懷孕已經係錯事，點解要一錯再錯？

OK，你朋友可以好有條件去做single mom。可能屋企長輩可以照顧到BB，自己經濟上又負擔得起，好想有BB，咁都可以講得過去。但係精神上同心理上係咪ready先？今日從你口中數佢男友嘅不是，儘管個男人有幾衰，作為母親點都要將小朋友嘅利益放到最前，你朋友做唔做到呢？

永遠呢啲家庭悲劇都係有一個enabler去延續不幸事情嘅發生。亦有一啲自以爲好幫到手嘅朋友感情用事用迂腐同扭曲嘅道德去誤導個當事人。


老實講，你數臭嗰個男人幫到咩手？口口聲聲話對方嗰劇嘢，但係你朋友係受害者咩？（你係有心幫手就babysit幾個鐘等你朋友可以去剪個髮做個spa已經好夠）由頭到尾最受害係個BB，同埋可能最後要執手尾嘅公公婆婆。如果一開始成熟啲決定唔要個BB，可能咩事都冇發生，大家各走各路。

所以我一睇就覺得你有問題係因爲知道咗咁多事之後依然blame個男人叫你朋友落仔。對我嚟講，呢個係成篇嘢最合情理嘅行爲。

jiujiujiu

回復 9# 大C姐


你睇左前面part 1先啦!