返回列表 發帖

㷫過辣雞配眼鏡 :鏡片打磨篇

本帖最後由 4boybun 於 2018-1-20 22:17 編輯

(2) 鏡片打磨

今時今日配眼鏡,雖說是電腦laser切割鏡片,但往往是工序偏差令佩戴出事。鏡片本身大部分是大廠出品, 品質好少有問題。
溫哥華有些本地小店, 老闆兼做車鏡師父。個人認為呢種生產模式不可取,因為不能分散製作風險。兼顧多,忙中有錯在所難免,唔夠瞓磨到塊鏡片七稜八角有之,焦點錯誤有之。 顧客不滿就阿芝阿佐,總之唔係我錯,有錯都係你嘅錯,射波俾顧客。 溫馨提示: 唔好相信店主口甜舌滑,真實世界好多灰色地帶,出事就會打死狗。

本帖最後由 4boybun 於 2018-1-20 22:13 編輯

日本與香港舖租貴,眼鏡店多數外判給 Lab集中高流量生產,令師父的技術相對有保障。
Jins 之類日本大集團,一小時即場做,機器又新又準,價錢實惠,無投訴。
香港都有呢類 Lab,旺角新輝嗰類啲咪係咯, 也是價格實惠。店鋪裝修賣相無Jins咁好,但本身是做Lab起家, 師父 一日做幾百對鏡,你想佢做得差都難。

TOP

本帖最後由 4boybun 於 2018-1-20 22:30 編輯

唔好睇小網上店,溫哥華Clearly真心唔錯㗎,價錢比實體店便宜一截,email回覆起貨快,配得不滿意會修改 (直頭寄另一個新造嘅俾你),無阿芝阿咗。 懂得閱讀Px 嘅朋友不妨一試。要小心的是西人磨鏡傾向把optical height 放在datum 位置(即係鏡片嘅中央分界線),呢個位置對於鼻樑低眼窩淺嘅東方人未必適合,除非你戴副眼鏡,眼睛是在鏡片的中中間間位置, 否則好大機會Hi 蕉皮,必須提醒他們升高OC。

TOP

本帖最後由 4boybun 於 2018-1-20 22:57 編輯

辣雞上個月同日本東京眼鏡分店個主管傾計,談起日本著名contact lens 生產商Menicon 數年前停止生產之後一直數腳毛無嘢好做。
其實隨著顧客知識增長,顧客自己學識睇Px,量度tilt &height,  網上買眼鏡,實體店鋪搵鬼幫襯了。
呢個潮流一早已經開始,辣雞個人估計,一掌之數的若干年後,如果實體店鋪仲係維持家陣嘅價錢/服務,將要食cornseed。新經濟帶來嘅改變,快到得人驚。

TOP

辣雞之所以㷫過辣雞,原因是見得太多不負責任嘅鏡片裝配師。
唔好以為在加拿大乜都要有證書就一定有保障,辣雞見過有些一開口就撻朵,話自己 4-year degree 出身,就嚟天下無敵 .....  你老味,辣雞來配眼鏡,話鳩之你係博士呀,四年degree 讀"詩篇“ 嘅人辣雞見得多過你睇playboy centrefolds.  

不過呢的都係濕碎嘢,小問題,笑下就算。最不負責任者,係裝配錯誤,同你講「係咁㗎啦,習慣幾日就無事㗎啦」

辣雞可以100%肯定咁同你講,一副裝配得好嘅眼鏡,一戴上眼就會馬上覺得舒服。即使是progressive 也是。除非你眼睛結構本身有障礙,否則正常的眼睛來說,一副裝配得好的眼鏡,一戴上眼就會覺馬上得舒服,會令你眼前明亮開心暢快。相反一副裝配不當的眼鏡,一戴起來就會頭脹眼澀,說不出的難受。

唔好再聽呢的杏加橙老點日日折磨自己去適應。 馬上退貨,搵過另一間啦。

TOP

返回列表