返回列表 發帖

佛山[黃飛鴻]

黃飛鴻,原名[黃錫祥],字[達雲],號[飛鴻],祖籍廣東南海縣西樵嶺西祿舟村,1847年喺佛山出世,老頭係黃麒英,[廣東十虎]之一。黃飛鴻五歲開始就學功夫,學過鐵線拳、無影腳,好後生就已經練得一手好武功,經常喺佛山、廣州一帶賣武。
黃飛鴻除咗賣武之外,又識得醫人,1863年就喺南海嘅西關開咗間跌打醫館,到1886年又開咗[寶芝林]醫館。喺1925年黃飛鴻因為長期病而喺廣州方便醫院過身,享年七十七歲。
佢老婆莫桂蘭同埋兩個仔喺1930年代去咗香港定居,重有黃飛鴻嘅徒弟林世榮一齊。佢哋喺香港以傳揚黃飛鴻嘅武術開武館授徒,1944年到1969年佢喺灣仔告士打道嘅[黃飛鴻國術社]教武術,之後到[黃飛鴻健身學院]直至1980年間武館結束。
林世榮喺香港教功夫,其中有唔少徒弟都投身港產片界,例如劉家良。60年代香港拍咗差唔多一百部黃飛鴻電影,其中黃飛鴻幾乎都係由關德興主演;而反派就幾乎全部由石堅演出。
[香港故事。廣東話資料館]



返回列表