返回列表 發帖

有人擦錯鞋了~ 被人杯葛了!

戲劇界發起杯葛高志森 莊梅岩響應:生意人走入劇界扮大師

2019/7/5 — 17:54



[url=]
[/url]




[url=]A[/url][url=]A[/url][url=]A[/url]







春天舞台創辦人高志森日前出席「630撐警察,保法治,護安寧」集會,引起戲劇界不滿,更發起杯葛高志森以及其春天舞台的行動。今日,莊梅岩、甄拔濤等亦響應行動,莊梅岩在Facebook發文點名砲轟高志森,怒斥他「斂財、霸道」,又感嘆「可惜呢啲生意人可以走入我哋嘅戲劇圈扮大師」。《立場新聞》已就事件向高志森尋求回應,有待回覆。

杯葛行動最初由戲劇界人士謝冰盈發起。謝冰盈向《立場新聞》表示,發起原因是不滿高志森由雨傘運動開始以至近期反送中運動期間的種種言論。高志森日前出席撐警大會時,指香港現況是「有事找警察,無事鬧警察」。她又指,高志森的春天劇團在行內也是「出名壓榨」,有拖糧、低薪等問題。杯葛行動發起至今,她表示「已經受到騷擾」,故未能接受訪問進一步闡釋情況,但強調行動將會繼續。

莊梅岩:生意人扮戲劇大師

莊梅岩響應杯葛行動的文章開首表明,「其實從來都冇諗住再合作,所以冇咩杯唔杯葛。」但依舊響應由謝冰盈最先開始的杯葛高志森行動。莊梅岩指高志森:「歛財、霸道,最鍾意欺凌剛出道同冇選擇嘅人」。她續道,「佢係一個人物,真係一個人物,好多人作惡都有自知之明,收收埋埋,好少人會粗鄙同低智到咁loud咁理直氣壯」。

莊梅岩又指自己可惜的是「要周不時睇到佢嘅肚滿腸肥同聽到佢嘅滿腹歪論」、「佢呢種生意人可以走入我哋嘅戲劇圈扮大師」。她直言高志森是一個「絕頂好」的反面教材,「捐嗰少少錢要人感恩、平價同佢做嘢成名嘅 artist 又要人感恩,最鍾意氹啲會為佢免費宣傳嘅老人家,俾餐飯錢就覺得自己做咗聖人、繼續自我感覺良好」。

莊梅岩最後強調,「關政治立場咩事呀?未有顏色之前已經割蓆啦,唔係善惡都唔識分嘛?我係講緊佢呀,高志森吖嘛。我係make stupid people famous呀,so what?」火藥味十足。

莊梅岩杯葛高志森全文(原刊於莊梅岩Facebook

其實從來都冇諗住再合作,所以冇咩杯唔杯葛。

歛財、霸道,最鍾意欺凌剛出道同冇選擇嘅人,自己同人講版權就要追broadway standard,人哋同佢講版權就話行裡面冇呢種規矩,佢無恥嘅言論同行為,罄竹難書,我身邊就有好多瀨過嘢嘅同業。張國榮喺電台都鬧過佢啦,但係佢勝在咩呀?面皮夠厚,人哋死咗佢照攞人哋啲歌人哋嘅名氣照呃飯食;攞住老本同舊時剝削返嚟嘅經典招謠撞騙,睇死嗰啲念舊嘅人唔敢同佢反面,呢啲扮人嘅蛆,我望一眼都不屑。

佢係一個人物,真係一個人物,好多人作惡都有自知之明,收收埋埋,好少人會粗鄙同低智到咁loud咁理直氣壯,我可惜啲咩呢?可惜我哋人間要周不時睇到佢嘅肚滿腸肥同聽到佢嘅滿腹歪論;可惜佢呢種生意人可以走入我哋嘅戲劇圈扮大師;可惜佢身邊的確有幾個有才嘅人,俾佢洗腦、俾佢錯誤牽引,毀咗一生。我唔怪同佢做嘢嘅人,一來呢行唔係咁多選擇,骨氣都要睇環境,我擁抱佢哋,希望佢哋從中得到自己所需,無論係金錢或者表演機會。我只怪自己能力唔高,冇更多嘅工作機會俾大家。

但係我喺佢身上唔係冇學到嘢,我學識乜嘢係真正嘅「慷慨」,因為佢係絕頂好嘅反面教材——捐嗰少少錢要人感恩、平價同佢做嘢成名嘅artist又要人感恩,最鍾意氹啲會為佢免費宣傳嘅老人家,俾餐飯錢就覺得自己做咗聖人、繼續自我感覺良好。

關政治立場咩事呀?未有顏色之前已經割蓆啦,唔係善惡都唔識分嘛?

我係講緊佢呀,高志森吖嘛。我係make stupid people famous呀,so what?

#響應謝冰盈運動

甄拔濤:永不幫高志森

除了莊梅岩外,目前有逾十名劇場業界人士響應是次杯葛高志森運動。現時只要在Facebook 搜索「#響應謝冰盈」,已有十幾個相關杯葛帖文。其中知名劇場編劇、導演甄拔濤亦發文強調,「永不做春天!永不幫高志森!做個真正的演藝工作者!」他又指:「唔只唔做,直頭唔睇」。帖文底下更有標籤寫道:「#作為劇場人 #呢啲飯我食唔落 #就算行乞都唔會做佢 #做人要有風骨 #無crew無行政無演員無後台你搞條毛」。

返回列表