香 港 六 行 業 術 語 大 解 構 sports, youth

CWong

行 內 術 語 ， 一 堆 聽 落 似 懂 非 懂 字 詞 ， 行 內 人 知 ， 外 行 人 懵 。

新 興 術 語 大 解 構
最 近 有 個 新 興 術 語 深 受 各 打 工 仔 愛 戴 ， 佢 就 係 「 射 波 」 ！ 射 波 即 係 突 然 唔 返 工 咁 解 ， 有 人 話 因 為 發 音 近 似 卸 膊 ， 又 有 人 話 似 足 球 場 上 射 波 咁 射 畀 人 ， 邊 樣 先 真 就 無 人 知 。 其 實 各 行 術 語 設 計 都 不 外 乎 幾 個 定 律 ， 一 係 玩 簡 稱 ， 一 係 食 諧 音 ， 再 唔 係 就 玩 借 代 ， 用 另 一 樣 性 質 相 近 事 形 容 ， 既 搞 鬼 又 唔 使 畫 公 仔 畫 出 腸 ， 除 了 以 上 提 及 的 ， 還 附 加 常 用 術 語 話 過 你 知 。

茶 餐 廳 術 語
茶 走 ＝ 普 通 奶 茶 會 落 砂 糖 同 落 奶 ， 茶 走 就 指 唔 落 砂 糖 同 鮮 奶 或 淡 奶 ， 改 為 煉 奶 。

籮 友 ＝ 個 名 有 少 許 核 突 ， 其 實 只 係 食 諧 音 ， 菠 蘿 油 咁 解 ， 不 過 望 望 又 幾 似 半 個 實 物 喎 。

炸 包 ＝ 直 截 了 當 將 西 多 士 叫 做 炸 包 ， 不 過 我 建 議 叫 做 炸 方 包 會 易 理 解 。

公 子 ＝ 公 子 個 名 好 高 貴 ， 公 司 三 文 治 價 錢 一 樣 高 人 一 等 ， 叫 公 子 可 能 因 為 簡 寫 兼 諧 音 。

茶 ＝ 一 向 茶 記 叫 奶 茶 就 咁 叫 茶 就 算 ， 凍 咪 即 係 ， 茶 指 凍 奶 茶 啦 。

306 ＝ 06 就 知 係 檸 樂 啦 ， 206 就 指 熱 檸 樂 ， 咁 306 又 係 咩 呢 ？ 206 加 咪 成 為 306 ！ 加 咩 ？ 加 薑 呀 ！

肉 酸 ＝ 好 一 個 肉 絲 炒 河 ， 變 成 肉 酸 炒 河 ， 肉 酸 咪 即 係 肉 絲 ！

打 爛 ＝ 炒 個 飯 ， 點 解 叫 打 爛 ？ 因 為 諧 音 似 啦 我 估 。

雙 扣 ＝ 雙 扣 唔 係 指 扣 家 用 零 用 錢 ， 其 實 係 指 扣 起 同 飯 。

敗 家 仔 ＝ 即 係 阿 華 田 ， 問 極 都 無 人 知 點 解 叫 敗 家 仔 ， 但 試 過 幾 間 茶 餐 廳 又 真 係 個 個 識 。

肥 妹 ＝ 朱 古 力 就 係 肥 妹 ， 唔 通 因 為 肥 妹 鍾 意 食 朱 古 力 ， 所 以 索 性 叫 肥 妹 ？

和 尚 跳 海 ＝ 滾 水 蛋 呢 個 名 我 有 十 幾 年 未 聽 過 ， 原 來 有 個 咁 型 術 語 。

燒 衣 ＝ 入 茶 記 order 個 燒 伊 食 ， 聽 到 夥 計 大 叫 「 燒 衣 」 ， 真 係 有 唔 吉 利 ， 其 實 只 係 燒 伊 簡 寫 。

信 用 卡 推 銷 員 術 語
鯊 魚 ＝ 形 容 一 唔 使 sell 都 自 己 識 游 埋 申 請 客 ， 本 應 受 歡 迎 又 點 解 形 容 得 咁 得 人 驚 呢 ？

禮 物 黨 ＝ 一 班 唔 交 文 件 ， 申 請 完 淨 識 拎 禮 品 走 客 就 叫 禮 物 黨 ， 呢 個 黨 應 該 幾 多 黨 員 。

Hou 仔 ＝ Housewife 咪 即 係 家 庭 主 婦 ， 純 玩 諧 音 都 好 易 估 。

雙 飛 ＝ 同 一 時 間 連 叫 到 兩 個 客 人 申 請 。

堅 踢 ＝ 即 解 認 真 做 ， 唔 再 hea 住 跑 數 。 乜 佢 平 時 好 hea 咩 ？

俾 人 閹 ＝ 客 人 申 請 銀 行 A 卡 時 ， 俾 另 一 個 sales 推 銷 銀 行 B 卡 ， 呢 個 行 為 形 容 為 俾 人 閹 。

的 士 大 哥 通 水 術 語
猜 枚 ＝ 話 你 支 旗 係 猜 枚 ， 即 係 唔 係 15 就 20  ， 嫌 你 車 程 短 車 資 少 呀 ！

加 油 ＝ 加 油 在 行 內 有 兩 個 意 思 ， 架 車 要 入 油 ， 司 機 自 己 都 要 加 油 ， 即 係 去 開 飯 。

空 手 道 ＝ 聽 落 好 型 ， 其 實 話 一 機 場 客 兩 手 空 空 無 行 李 。 點 解 司 機 咁 擔 心 ， 因 為 每 件 行 李 要 加 錢 嘛 ！

石 仔 ＝ 司 機 大 佬 叫 行 李 做 石 仔 ， 我 估 個 名 係 因 為 「 好 似 石 仔 咁 重 」 咁 得 ！

福 星 ＝ 記 唔 記 得 香 港 有 一 系 列 五 福 星 電 影 ， 叫 慣 五 福 星 ， 叫 叫 咪 將 福 星 變 成 形 容 五 個 人 。

麻 鷹 / 舖 頭 ＝ 飛 機 個 樣 似 麻 鷹 就 唔 難 估 丫 ， 點 解 機 場 又 叫 舖 頭 ， 莫 非 因 為 成 日 要 度 做 ？

巴 士 司 機 術 語
乳 豬 盤 ＝ 平 時 上 車 唔 知 碇 落 車 ， 就 會 走 去 睇 路 線 圖 ， 原 來 就 係 叫 做 乳 豬 盤 ， 唔 通 因 為 條 邊 係 紅 色 ？

斷 纜 ＝ 巴 士 本 來 一 班 接 一 班 ， 斷 纜 就 指 中 間 有 班 車 甩 班 。

冷 馬 ＝ 熱 狗 就 知 係 無 冷 氣 巴 士 ， 咁 有 冷 氣 你 又 知 唔 知 ？ 就 係 冷 馬 啦 。

蛇 車 ＝ 早 上 下 午 返 工 放 工 時 間 ， 開 出 特 別 車 ， 就 叫 蛇 車 ， 因 為 Special 個 S 字 頭 似 蛇 。

賣 血 ＝ 意 思 指 車 長 本 身 放 假 ， 都 被 call 番 開 工 。

皇 家 飯 ＝ 聽 落 個 名 好 架 勢 ， 實 情 只 得 半 個 鐘 頭 食 飯 時 間 就 叫 皇 家 飯 。

空 中 小 姐 術 語
間 間 航 空 公 司 對 同 一 事 物 可 能 有 唔 同 術 語 叫 法 ， 不 過 其 實 都 係 大 同 小 異 ， 得 個 知 字 。

Deadhead ＝ 指 空 姐 照 要 返 工 不 過 唔 需 要 做 ， 只 係 當 客 人 咁 坐 度 搭 飛 機 ， 第 二 程 機 先 做 ！

機 佬 ＝ （ 日 航 ） 機 佬 絕 對 無 指 人 性 取 向 意 思 ， 而 係 指 飛 機 師 咁 解 。

哪 渣 飛 ＝ （ 國 泰 ） 空 姐 會 叫 一 最 平 最 cheap ， 無 得 調 機 又 限 制 多 多 機 票 為 之 哪 渣 飛 ， 張 飛 本 身 淨 。

BC ＝ （ 國 泰 ） BC 即 Bar & Cabin ， 指 初 級 空 中 服 務 員 ， 聽 個 音 又 幾 似 Busy ， 佢 又 真 係 最 多 做 喎 ！

907 ＝ （ 國 泰 ） 說 話 國 泰 每 日 有 三 班 來 回 馬 尼 拉 機 ， 最 早 班 機 叫 CX907 ， 因 為 班 機 內 多 數 係 由 馬 尼 拉 人 乘 搭 ， 久 而 久 之 就 用 907 形 容 膚 色 較 黑 人 。

報 紙 ＝ （ 國 泰 ） 形 容 編 更 表 上 duty 編 得 又 短 又 密 ， 密 密 麻 麻 十 足 十 份 報 紙 ， 形 容 得 幾 傳 神 喎 ！

波 鞋 街 售 貨 員 術 語
尤 仔 ＝ 一 至 十 波 鞋 街 各 有 代 號 ， 順 序 為 丁 、 元 、 王 、 叉 、 仔 、 共 、 廿 、 分 、 尤 、 平 ； 「 仔 」 除 解 五 之 外 ， 仲 可 解 為 半 碼 。

蛋 ＝ 蛋 即 係 鞋 墊 ， 會 唔 會 因 為 似 荷 包 蛋 呢 ？

章 鞋 ＝ 章 即 係 畀 客 人 試 ， 章 鞋 即 係 客 人 試 鞋 。

翻 章 ＝ 章 鞋 即 係 試 鞋 ， 翻 章 就 指 畀 客 人 試 同 一 對 鞋 ， 不 過 當 中 售 貨 員 會 扮 拎 過 另 一 對 畀 客 。

包 孖 二 ＝ 孖 二 指 鞋 尺 碼 ； 如 果 指 包 孖 二 ， 即 係 客 人 要 指 定 size 唔 使 試 。

籠 ＝ 入 店 內 客 人 就 叫 籠 ， 如 果 有 客 人 想 試 鞋 ， 佢 會 叫 有 籠 章 。

CWong

以前長沙灣時有一間永佳茶餐廳裡面的伙計會跟你說粗口呢~~~
一坐下就問:「食乜X?」
而且飲品都有代號，檸檬茶叫「口爆」、 凍檸水叫「顏射」、奶茶叫「大波少婦」....
永佳以前真的很受歡迎，特別是中學學生，一坐下來就是「A餐口爆」！

somewhereintime

Where u get this, interesting

puZZle

206 就 指 熱 檸 樂.. hahaha

ravemother

原帖由 CWong 於 2008-12-5 11:54 發表
波 鞋 街 售 貨 員 術 語
尤 仔 ＝ 一 至 十 波 鞋 街 各 有 代 號 ， 順 序 為 丁 、 元 、 王 、 叉 、 仔 、 共 、 廿 、 分 、 尤 、 平 ； 「 仔 」 除 解 五 之 外 ， 仲 可 解 為 半 碼 。

蛋 ＝ 蛋 即 係 鞋 墊 ， 會 唔 會 因 為 似 荷 包 蛋 呢 ？

章 鞋 ＝ 章 即 係 畀 客 人 試 ， 章 鞋 即 係 客 人 試 鞋 。

翻 章 ＝ 章 鞋 即 係 試 鞋 ， 翻 章 就 指 畀 客 人 試 同 一 對 鞋 ， 不 過 當 中 售 貨 員 會 扮 拎 過 另 一 對 畀 客 。

包 孖 二 ＝ 孖 二 指 鞋 尺 碼 ； 如 果 指 包 孖 二 ， 即 係 客 人 要 指 定 size 唔 使 試 。

籠 ＝ 入 店 內 客 人 就 叫 籠 ， 如 果 有 客 人 想 試 鞋 ， 佢 會 叫 有 籠 章 。

Absolutely true!

I worked as a 波鞋仔 for 運動家 for several months back in 2006, so I am familiar wit all these jargon.

I know a lot more: for different types of customers (men, women, mainland people, white people, annoying customers etc), to describe a hot chick, a chick with large breast, ugly chick, when i ask for a washroom break, lunch, etc.

I was having a tough time remember them, but I enjoyed using them afterward, added some fun to my work.

if you guys are interested, i can tell you more 波鞋仔 jargon.


[ 本帖最後由 ravemother 於 2008-12-5 13:29 編輯 ]

000

記得有次係香港茶餐廳叫 o左 個  乜乜三文治  加 芝士 ,
個伙計大佬入單時大叫 "留意歌詞 "呀
都覺得好搞笑 !

mibu

hahah awesome