一直收到好多讀者來信(緊係咁講啦)﹐叫我開條題講愛情。但係我一直的唔起心肝﹐又唔想出賣自己D私隱。正所為﹐我都有條私隱線。
但係稱得上夜生活女王﹐點都有D經歷。都不防同大家分享﹐嘻笑怒罵。你哋有咩類似經歷都不防供獻出嚟﹐好過講嚟講去都係才子玉女﹐問幾時結婚呀﹐D咁無謂嘅八卦新聞。
話說﹐最近有一位女性朋友向我吐苦水﹐關於同一個男性朋友之間嘅事。事源係幾年前去澳洲旅行/工作一段事間認識左一個澳洲仔。當然撻著而又有D嘢啦。呢位朋友返嚟之後一直有同澳洲仔保持聯絡。雖然從來都無define係咪男女朋友關係﹐但係每個禮拜到約定一星期兩日指定鐘數webcam。呢個關係保持左一年多。
終於到幾個月前﹐澳洲仔決定嚟住一年。我位朋友緊係心裡充滿住幻想﹐覺得呢次會係對關係一個好重要嘅一步。當然女性心態作遂﹐即刻幫呢位"好朋友"揾定屋咁啦。而呢個澳洲仔都一早報定案﹐嚟之前已經同我朋友講定話要睇定D﹐做住朋友一陣先睇吓個relationship去到邊。其實我朋友聽到呢句已經有點兒酸溜溜﹐覺得佢好似俾定籍口自己去溝女。但諗落﹐其實都不無道理。始終有兩年無見過﹐都要一段時間重新了解一個人。所以都同意take it slow。
澳洲仔亦都真係喺個幾月前嚟左呢邊。話就話take it slow﹐但係無見咁耐﹐一直都只係webcam隔住個screen,一見面緊係登登登登﹐同hee hee hum hum啦。其實大家成年人又無咩所謂﹐但係女仔就係呢個位蝕抵。已經覺得自己鍾意佢多過佢鍾意自己﹐再上埋床就更加抽離唔到。一直問題都唔大﹐直至澳洲仔突然語氣轉冷﹐又唔覆call。呢位女朋友好衰唔衰仲要喺澳洲仔老死口中知道其實佢唔係太hea佢﹐又唔係好like佢當正自己係女朋友咁啦。仲要爆俾朋友知﹐我個朋友今年隆過胸﹐仲好得戚同個friend講﹐"佢緊係為左我隆架啦﹗"
呢位女朋友當然好hurt啦。欲知後事如何﹐請看下集大結局。
-- 打到手軟嘅大C姐
[ 本帖最後由 大C姐 於 2009-1-13 19:35 編輯 ] |
發表於 2009-1-13 18:24
| 
